Քաղաքացիակենտրոն
լրատվություն

Ըստ հարցումների՝ Նիկոլ Փաշինյանի ու նրա թիմի վարկանիշը 4 անգամ գերազանցում է Քոչարյանի գլխավորած դաշինքի վարկանիշին

Ըստ հարցումների՝ Նիկոլ Փաշինյանի ու նրա թիմի վարկանիշը 4 անգամ գերազանցում է Քոչարյանի գլխավորած դաշինքի վարկանիշին
Քաղաքականություն
13:38, 11 июнь 2021
Բաղրամյան 26 տելեգրամյան ալիքը գրում է.

Ակնկալվում էր, որ պատերազմում կրած պարտությունից հետո, վերջին սկանդալներից հետո, կառավարությունը պետք է շատ զգույշ լիներ քարոզարշավի ընթացքում ՝ խուսափելով կոշտ հռետորաբանությունից և մթնոլորտը շիկացնելուց, բայց իրավիճակը հակառակն է:

Նիկոլ Փաշինյանի խանդավառությունն ու թիմակիցների ակնհայտ ինքնավստահությունը հիմնված են իրենց պատվիրած հարցումների արդյունքների վրա:

Կառավարությանը մոտ կանգնած մեր աղբյուրներից հայտնի դարձավ, որ, ըստ սոցհարցումների, Փաշինյանի կուսակցությունը շարունակում է մնալ առաջատարը ՝ ունենալով 4 անգամ առավելություն երկրորդ տեղը գրաված «Հայաստան» դաշինքի նկատմամբ:

Մարզային հանդիպումները, որտեղ Փաշինյանին հանդիպում են մարդաշատ հրապարակներում, իսկ Քոչարյանը հանրահավաքներ է անցկացնում կիսադատարկ դահլիճներում, էլ ավելի խրախուսեց իշխանություններին: Այդպես էր Թալինում, Ապարանում, Ալագյազում, որտեղ երկու ուժերն էլ հերթով այցելեցին: