Տասնյակ հազարավոր անհատ ձեռնարկատերեր ավելի քիչ դրոշմանիշային վճար կվճարեն. Հիմնադրամի գործունեությունը, սակայն, չի խաթարվի. Պապոյան

«Անհատ ձեռնարկատերերը և նոտարները վճարում են դրոշմանիշային վճար. եթե գործող կարգավորմամբ 18 հազար դրամ են վճարում մինչև 1 մլն 200 հազար դրամ հաշվարկային բազայի դեպքում, ապա մենք այդ սահմանաչափը կրկնակի ավելացրել ենք, այսինքն` 18 հազար դրամ կվճարեն մինչև 2 մլն 400 հազարի դեպքում»,- Այսօր ԱԺ արտահերթ նիստում «ՀՀ պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքի քննարկմանը հայտարարեց «Իմ քայլը» խմբակցության պատգամավոր Գևորգ Պապոյանը:

Նրա խոսքով` նախագծի ընդունման դեպքում տասնյակ հազարավոր անհատ ձեռնարկատերեր հնարավորություն կունենան ավելի քիչ դրոշմանիշային վճար վճարել:

«Բայց այս հարցն ունի մեդալի այլ կողմ. մենք գտել ենք լուծումներ, որոնք որևէ կերպ չեն խաթարում հիմնադրամի գործունեությունը: Հիմնադրամը շարունակելու է կատարել մեր զոհված և վիրավոր հերոսների օրենքով հասանելիք գումարների փոխանցումը»,- հավելեց պատգամավորը: