Քաղաքացիակենտրոն
լրատվություն

ԲԴԽ-ն մերժեց Դավիթ Գրիգորյանին պատասխանատվության ենթարկելու մասին միջնորդությունը․ Տեսանյութ

Բարձրագույն դատական խորհուրդը մերժեց  Երևանի առաջին ատյանի ընդհանուր իրավասության դատարանի դատավոր Դավիթ Գրիգորյանին պատասխանատվության ենթարկելու վերաբերյալ Արդարադատության նախարարի տեղակալ Քրիստիննե Գրիգորյանի միջնորդությունը (խմբ. Միջնորդությունը ներկայացնելու պահին կատարել է Արդարադատության նախարարի պարտականությունները):

Այս որոշումն հրապարակել է  ԲԴԽ նախագահի պաշտոնակատար Գագիկ Ջհանգիրյանը: Որոշումն ուժի մեջ է մտնում հրապարակման պահից և վերջնական է:

Դատավորին կարգապահական պատասխանատվության ենթարկելու համար դիմող կողմը հիմք է ընդունել կայքերից մեկում հրապարակված հարցազրույցը դատավոր Դավիթ Գրիգորյանի հետ, որտեղ նա խոսել էր Սահմանադրական դատարանի կողմից ենթադրյալ սահմանադրական կարգի տապալման ՀՀ Քրեական օրենսգրքի 300.1 հոդվածը Սահմանադրությանը հակասող ճանաչելու որոշման մասին:
Դավիթ Գրիգորյանը եղել է ՀՀ երկրորդ նախագահ Ռոբերտ Քոչարյանի և մյուսների գործը քննող դատավորը: