Քաղաքացիակենտրոն
լրատվություն

Ժամկետային զինծառայողը հակառակորդի կրակոցից գլխի շրջանում մահացու վնասվածք է ստացել. հարուցվել է քրեական գործ

Ժամկետային զինծառայողը հակառակորդի կրակոցից գլխի շրջանում մահացու վնասվածք է ստացել. հարուցվել է քրեական գործ
Հայաստան
10:14, 17 август 2021
Օգոստոսի 16-ին, ժամը 18:00-ի սահմաններում, Գեղարքունիքի մարզի Կութ համայնքի վարչական տարածքում տեղակայված ՀՀ ՊՆ N զորամասի պահպանության տեղամասում գտնվող մարտական դիրքում հակառակորդի կողմից արձակված կրակոցի հետևանքով գլխի շրջանում հրազենային մահացու վնասվածք է ստացել պարտադիր ժամկետային զինծառայող, շարքային Արման Հովհաննեսի Հակոբյանը:

ՀՀ քննչական կոմիտեի տեղեկատվության և հասարակայնության հետ կապերի բաժնից տեղեկացնում են, որ դեպքի առթիվ ՀՀ քննչական կոմիտեի զինվորական քննչական գլխավոր վարչության  հինգերորդ կայազորային քննչական բաժնում ՀՀ քրեական օրենսգրքի 104-րդ հոդվածի 2-րդ մասի 2-րդ, 7-րդ և 13-րդ կետերով հարուցվել է քրեական գործ, կատարվում  է նախաքննություն: