Կողոպուտ Աբովյանում․ տղամարդը հափշտակել է կնոջ պայուսակն ու դրամապանակը

Օգոստոսի 20-ին, ժամը 19.05-ին, ոստիկանություն զանգած 41-ամյա կինը հայտնել էր, որ Աբովյան քաղաքի Հանրապետության փողոցում ծանոթ տղամարդը գողացել է պայուսակը և դրամպանակը, որի մեջ 62000 դրամ կար: Քիչ անց կինը հայտնել է, որ նույն տղամարդը փորձում է մտնել իր բնակարան, հայտնում է Ոստիկանության մամուլի ծառայությունը։

Ոստիկանության Կոտայքի բաժնի ծառայողների ձեռնարկած միջոցառումների շնորհիվ պարզվել է տղամարդու ինքնությունը։ Բացատրական աշխատանքի շնորհիվ Չարենցավան քաղաքի 42-ամյա բնակիչը ներկայացել է ոստիկանության Կոտայքի բաժին և տվել խոստովանական բացատրություն:

Հափշտակվածը մասամբ հայտնաբերվել է:

Կատարվում է քննություն։