Քաղաքացիակենտրոն
լրատվություն

«Արտահերթ ընտրությունների մասով Էդմոն Մարուքյանի առաջարկին պատրաստ ենք ցանակացած պահի»․ Լիլիթ Մակունց

«Արտահերթ ընտրությունների մասով Էդմոն Մարուքյանի առաջարկին պատրաստ ենք ցանակացած պահի»․ Լիլիթ Մակունց
Հայաստան
14:18, 01 март 2021
«Մենք ընդունում ենք Էդմոն Մարուքյանի առաջարկության երկրորդ հատվածը, որը վերաբերում է արտահերթ ընտրություններին, և պատրաստ ենք ցանկացած պահի»,-Ազգային ժողովում լրագրողների հետ զրույցում այս մասին հայտարարեց «Իմ քայլը» խմբակցության ղեկավար Լիլիթ Մակունցը:

Ինչը վերաբերում է առաջարկության առաջին հատվածին, Մակունցի խոսքով, այն անգամ քննարկման ենթակա չէ: «Կա Սահմանադրություն, եւ մենք՝ որպես պատգամավորներ, պետք է պատասխանատու լինենք այդ Սահմանադրության իրականացմանը եւ որեւէ կերպ չնպաստենք Սահմանադրության խախտմանը»,- հավելեց խմբակցության ղեկավարը:

Հիշեցնենք՝ երեկ ֆեյսբուքյան ուղիղ եթերում «Լուսավոր Հայաստան» խմբակցության ղեկավար Էդմոն Մարուքյանը Նիկոլ Փաշինյանին առաջարկել էր, որ նա նախագահի աշխատակազմից հետ վերցնի ԳՇ պետին ազատելու հրամանագրի նախագիծը, ձեռք չտա ԳՇ ղեկավարությանը, 5 բանակային կորպուսների ղեկավարներին եւ ընդհանրապես մի կողմ քաշվի բանակից։ «Մենք, դրան ի պատասխան, ստորագրում ենք ցանկացած հուշագիր, որով ասում ենք, որ վարչապետի հրաժարականի պարագայում չենք առաջադրվելու եւ որեւէ մեկին չենք առաջադրելու, որպեսզի խորհրդարանը ցրվի, բոլորով գնանք ընտրությունների»,- հայտատարել էր նա;