Քաղաքացիակենտրոն
լրատվություն

Չեմ բացառում, որ այսօր կամ վաղը հանդիպում լինի Գագիկ Ծառուկյանի հետ՝ արտահերթ ընտրությունների շուրջ․ Ալեն Սիմոնյան

Չեմ բացառում, որ այսօր կամ վաղը հանդիպում լինի Գագիկ Ծառուկյանի հետ՝ արտահերթ ընտրությունների շուրջ․ Ալեն Սիմոնյան
Հայաստան
11:52, 02 март 2021
ԱԺ փոխնախագահ Ալեն Սիմոնյանն այսօր լրագրողների հետ ճեպազրույցի ընթացքում արտահերթ ընտրությունների թեմային անդրադառնալով՝ հաստատեց, որ եթե ԲՀԿ-ն ևս դրական արձագանքի, ապա այո, հնարավոր է, որ այս տարի անցկացվեն արտահերթ ընտրություններ։ 

Լրագրողի հարցին, թե եթե ԲՀԿ-ն չմիանա, այդ դեպքում ինչպե՞ս կվարվի իշխանությունը, Ալեն Սիմոնյանն ասաց, որ ԲՀԿ-ում որոշում է մի մարդ, ապա ավելացրեց, որ չի բացառում, որ այսօր կամ վաղը հանդիպում կլինի Գագիկ Ծառուկյանի հետ։ «Անելու ենք ամեն ինչ, որպեսզի հնարավորինս միասնական դիրքորոշում ձևավորվի», - ասաց Ալեն Սիմոնյանը։ 

Հարցին, թե մատնանշվում էր, որ չկա արտահերթ ընտրություններ անցկացնելու հանրային պահանջ, հիմա ի՞նչ է փոխվել, Ալեն Սիմոնյանն ասաց, որ շատ կարևրո է, որ քաղաքական պրոցեսները շարունակվեն։ «Ես, գիտեք, որ արտահերթ ընտրությունների կողմնակից էի, իմ դիրքորոշումը ստացվեց, որ ճիշտ էր, մենք անյուամենայնիվ գալու էինք այս խոսակցությանը, և այն հարցը, որ օդում կախված է, թե ո՞վ պետք է լինի իշխանությունը, մենք պետք է գնանք և դրա պատասխանը ստանանք քաղաքացիներից», - ասաց Սիմոնյանը։