ՇՄ նախարարի տեղակալը ներկայացրել է շրջակա միջավայրի ոլորտում ՀՀ կառավարության առաջնահերթությունները
Հայաստան
Այսօր Շրջակա միջավայրի նախարարի տեղակալ Ա․ Մազմանյանն ընդունել է Գերմանիայի Բնության պահպանության միության (NABU) Կովկասյան ծրագրի համակարգման գծով ղեկավար Վ․Կովալյովին և ծրագրի հայաստանյան մասնաճյուղի ղեկավար Ն․ Գրիգորյանին։
Հանդիպմանը մասնակցել են նախարարի խորհրդական Հ․ Մարտիկյանը և Շրջակա միջավայրի նախարարության միջազգային համագործակցության վարչության պետ Ռ․ Գրիգորյանը։
Նախարարի տեղակալը ողջունել է գործընկերներին և նշել, որ նրանց կատարած այցը համընկել է շրջակա միջավայրի նախարարության կողմից իրականացվող ծավալուն բարեփոխումների փուլին և Գերմանիայի Բնության պահպանության միության հետ ավելի սերտ համագործակցության պատրաստակամություն հայտնել։
Ա․ Մազմանյանը ներկայացրել է շրջակա միջավայրի ոլորտում ՀՀ կառավարության առաջնահերթությունները և հակիրճ խոսել արդեն իսկ մեկնարկած և ընթացքի մեջ գտնվող բարեփոխումներից, խոսել նախարարության կողմից իրականացվող ծրագրերից, որոնք միտված են բնության հատուկ պահպանվող տարածքներին հարակից համայնքներում բնության վրա մարդածին ճնշումը նվազեցնելուն։
Պարոն Կովալյովն ուրախությամբ փաստել է, որ նախարարության և Գերմանիայի Բնության պահպանության միության առաջնահերթությունները շրջակա միջավայրի կառավարման ոլորտում համընկնում են և կողմերը կարող են միավորել ջանքերն այդ ուղղությամբ։
Ներկայացնելով ընթացող բարեփոխումների գործընթացները, նախարարի տեղակալը կարևորել է սպիտակ արագիլների աղտոտման հիմնախնդրի շուրջ տարվող աշխատանքները, ներկայացրել, որ ամիսներ տևած ուսումնասիրությունների և իրականացված աշխատանքների արդյունքում նախնական գնահատականով սպիտակ արագիլների աղտոտման հիմնական աղբյուրը հայտնաբերված է, և շուտով կմեկնարկեն դրանք չեզոքացնելու գործընթացները։
Անդրադարձ է կատարվել նաև մեկ այլ բնապահպանական խնդրի, պարոն Կովալյովը ներկայացրել է, որ Գերմանիայում հաջողությամբ կիրառվում է էլեկտրալարերին թռչունների բախումը կանխելու փորձը․ պայմանավորվածություն է ձեռք բերվել առաջիկայում առավել մանրամասն քննարկել փորձի փոխանակման հնարավորությունները։
Քննարկվել են նաև մի շարք այլ հարցեր, որոնք առնչվում են Հայաստանում շրջակա միջավայրի նկատմամբ հոգատար վերաբերմունքի մշակույթի ձևավորմանը, ինչն էապես կարող է ազդել ոլորտի կայուն կառավարման և զարգացման վրա։
Կարդացեք նաև
26 հուլիս 2021, 13:40
Շրջակա միջավայրի նախարարի պաշտոնակատարը գերատեսչության աշխատակազմին է ներկայացրել նախարարի նորանշանակ տեղակալին
17 սեպտեմբեր 2021, 11:37
Խիստ նախնական գնահատականով՝ սպիտակ արագիլների աղտոտման հիմնական աղբյուրը հայտնաբերված է
7 օգոստոս 2021, 16:53
Քասախ գետի գետահովտում մաքրման աշխատանքներ են իրականացվել
6 սեպտեմբեր 2021, 21:40
Ռոմանոս Պետրոսյանը ներկայացրել է Սևանա լճի էկոհամակարգի վերականգնմանն ուղղված միջոցառումների ու ծրագրերի համալիրը
23 հուլիս 2021, 17:57
Նիկոլ Փաշինյանի որոշմամբ՝ Գայանե Գաբրիելյանը նշանակվել է շրջակա միջավայրի նախարարի տեղակալ
9 սեպտեմբեր 2021, 14:31
ՇՄ նախարարությունը և Հայաստանի ազգային ֆիլհարմոնիկ նվագախումբը համագործակցության հուշագիր են կնքել