Քաղաքացիակենտրոն
լրատվություն

Երևանի Սեբաստիայի և Կուրղինյան փողոցների խաչմերուկում տեղի կունենա երթևեկության կազմակերպման փոփոխություն

Երևանի Սեբաստիայի և Կուրղինյան փողոցների խաչմերուկում տեղի կունենա երթևեկության կազմակերպման փոփոխություն
Հայաստան
22:32, 03 ноябрь 2021
Տրանսպորտային միջոցների երթևեկության հապաղումներից և հնարավոր խցանումներից խուսափելու նպատակով 2021 թ. նոյեմբերի 4-ին Երևան քաղաքի Սեբաստիայի և Կուրղինյան փողոցների խաչմերուկում կկատարվի երթևեկության կազմակերպման փոփոխություն:

Ինչպես տեղեկացրին ՀՀ ոստիկանությունից, փոփոխության արդյունքում Սեբաստիայի փողոցի համապատասխան ուղղության երթևեկելի հատվածի 1-ին երթևեկելի գոտին կառանձնացվի միայն «դեպի աջ» (նախկինում «ուղիղ կամ դեպի աջ»-ի փոխարեն)՝ դեպի Կուրղինյան փողոց երթևեկող տրանսպորտային միջոցների համար: Նշված աջ ուղղությամբ երթևեկությունը կկազմակերպվի անընդհատ՝ առանց տվյալ ուղղությամբ լուսացույցի արգելող ազդանշանի հանդիպելու: