Ակնկալվում է, որ դելիմիտացիայի և դեմարկացիայի արդյունքում ՀՀ տարածքային ամբողջականությունը կվերականգնվի. Էդուարդ Աղաջանյան
«Հայաստանը դիմել է Ռուսաստանին՝ ստանալու համար աջակցություն, որպեսզի առաջին հերթին վերականգնվի ՀՀ տարածքային ամբողջականությունը, և հենց այս կոնտեքստում է պետք դիտարկել ՌԴ առաջարկը: Ակնկալվում է, որ դելիմիտացիայի և դեմարկացիայի արդյունքում այդ խնդիրը կլուծվի, և ՀՀ տարածքային ամբողջականությունը կվերականգնվի»,- այսօր՝ նոյեմբերի 19-ին, խորհրդարանական ճեպազրույցների ժամանակ ասաց ԱԺ արտաքին հարցերի մշտական հանձնաժողովի նախագահ, «Քաղաքացիական պայմանագիր» խմբակցության պատգամավոր Էդուարդ Աղաջանյանը՝ պատասխանելով «Ազատություն» ռադիոկայանի լրագրողի հարցին, որն առնչվում էր Ռուսաստանից ռազմական օգնություն ակնկալելուն:
Էդուարդ Աղաջանյանի խոսքով՝ ինքնանպատակ չէ Ռուսաստանի ռազմական օգնությունը կամ ռազմական միջամտությունը. «Կարևորագույն խնդիրն այս պահին ՀՀ սուվերեն տարածքի անձեռնմխելիության ապահովումն է, և դեմարկացիան ու դելիմիտացիան այն գործիքներից մեկն է, որը կապահովի այդ արդյունքը»:
Իսկ թե ինչու էր Հայաստանը դիմում Ռուսաստանին ռազմական օգնության համար հարցին, ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը պատասխանեց. «Որովհետև գոյություն ունի Հայաստան-Ռուսաստան ռազմաքաղաքական համաձայնագիր: Երկրորդը՝ Ռուսաստանն է երաշխավորը այն հրադադարի ռեժիմի պահպանման, որի համար մենք բոլորս պետք է մեր ջանքերը մեկտեղենք: Եվ հետևաբար Ռուսաստանն անելիք ունի, և նույնիսկ չդիմելու դեպքում պետք է այդ համագործացությունը իրականություն դառնար: Չնայած վերջին օրերին շահարկումներ են գնում, թե մենք Ռուսաստանին պահանջներ ենք ներկայացնում. մենք պահանջ չենք ներկայացնում, պարզապես ուզում ենք, որ պայմանագրի բոլոր կետերը ճիշտ ժամանակին իրականություն դառնան: Մեր ինքնիշխան տարածքը ոտնձգության է ենթարկվել, որի արդյունքում տեղի են ունեցել ռազմական գործողություններ, և մեր բանակը չի թողել, որ հակառակորդը տարածքային նոր ձեռքբերումներ ունենա»:
Էդուարդ Աղաջանյանի խոսքով՝ ինքնանպատակ չէ Ռուսաստանի ռազմական օգնությունը կամ ռազմական միջամտությունը. «Կարևորագույն խնդիրն այս պահին ՀՀ սուվերեն տարածքի անձեռնմխելիության ապահովումն է, և դեմարկացիան ու դելիմիտացիան այն գործիքներից մեկն է, որը կապահովի այդ արդյունքը»:
Իսկ թե ինչու էր Հայաստանը դիմում Ռուսաստանին ռազմական օգնության համար հարցին, ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը պատասխանեց. «Որովհետև գոյություն ունի Հայաստան-Ռուսաստան ռազմաքաղաքական համաձայնագիր: Երկրորդը՝ Ռուսաստանն է երաշխավորը այն հրադադարի ռեժիմի պահպանման, որի համար մենք բոլորս պետք է մեր ջանքերը մեկտեղենք: Եվ հետևաբար Ռուսաստանն անելիք ունի, և նույնիսկ չդիմելու դեպքում պետք է այդ համագործացությունը իրականություն դառնար: Չնայած վերջին օրերին շահարկումներ են գնում, թե մենք Ռուսաստանին պահանջներ ենք ներկայացնում. մենք պահանջ չենք ներկայացնում, պարզապես ուզում ենք, որ պայմանագրի բոլոր կետերը ճիշտ ժամանակին իրականություն դառնան: Մեր ինքնիշխան տարածքը ոտնձգության է ենթարկվել, որի արդյունքում տեղի են ունեցել ռազմական գործողություններ, և մեր բանակը չի թողել, որ հակառակորդը տարածքային նոր ձեռքբերումներ ունենա»:
Կարդացեք նաև
19 նոյեմբեր 2021, 11:29
Խոսքը 0-ական կետի մասին է, և ՀՀ-ն տվել է իր համաձայնությունը. Անդրանիկ Քոչարյանը՝ ՌԴ ՊՆ-ից ստացված սահմանազատման աշխատանքների առաջարկի մասին
11 օգոստոս 2021, 13:27
Վերջին 30 տարիներին վարվել է ժամանակ ձգելու քաղաքականություն. Էդուարդ Աղաջանյան
29 հոկտեմբեր 2021, 13:44
Առանց դեմարկացիայի և դելիմիտացիայի մենք առաջ չենք գնա. Անդրանիկ Քոչարյան
28 հուլիս 2021, 14:54
Դուրս գալ ՀԱՊԿ-ից, դիմել ՄԱԿ ԱԽ՝ վերականգնելու ՀՀ տարածքային ամբողջականությունը․ ստորագրահավաք
11 օգոստոս 2021, 12:41
Թեժ իրավիճակ՝ ԱԺ նիստերի դահլիճում. Ալեն Սիմոնյանը ներս հրավիրեց անվտանգության աշխատակիցներին (տեսանյութ)
11 օգոստոս 2021, 11:44
Տիկին Մկրտչյան, դուրս եկեք դահլիճից. ԱԺ նախագահը նրան զրկեց դահլիճում նիստին ներկա լինելու իրավունքից