«Սրացումներ են լինելու, ավելի լավ, թող սրացումներ լինեն, միայն թե հարցը լուծվի»․ Վազգեն Մանուկյան

«Հայրենիքի փրկության շարժման» առաջնորդ Վազգեն Մանուկյանի խոսքով ներքաղաքական սրացումներն իրեն չեն անհանգստացնում, փոխարենն իրեն սարսափեցնում է Սյունիքի շուրջ տեղի ունեցող սրացումը։

«Ռուսերեն ասում են՝ «оно того стоит»։ Սրացումներ են լինելու, ավելի լավ, թող սրացումներ լինեն միայն թե հարցը լուծվի։ Ինձ ուրիշ սրացում է անհանգստացնում։ Ինձ իսկապես շատ սարսափեցնում է այն սրացումը, որը տեղի ունի Սյունիքի շուրջը, ու այն ձգտումը Ալիևի, որը հասկանում է, որ էսօր Նիկոլը կա, վաղը չի լինելու, Նիկոլի օրոք հնարավոր է անել այն ինչ-որ հնարավոր չի անել Նիկոլից հետո․ այդ սրացումն է ինձ վտանգավոր թվում։ Իսկ ներքին սրացումները՝ սրացումը գնում է հայրենիքը դավաճանողների և թշնամիներին ծառայողների և երկրին նվիրված մարդկանց մեջ։ Իհարկե, ես կուզենայի ամեն ինչ փափուկ լուծվի, բայց եթե իրենք գնում են սրացման, իրենք կստանան սրացում»,-նշել է Վազգեն Մնուկյանն այսօր լրագրողների հետ զրույցում։