Արցախում ռուսերենը պաշտոնական լեզու դարձնելուն որևէ պատգամավոր դեմ չի քվեարկել, ՀՅԴ-ն ձեռնպահ է եղել
Հայաստան
Արցախի խորհրդարանի բոլոր պատգամավորները, բացի ՀՅԴ-ից, կողմ են քվեարկել Արցախի «Լեզվի մասին օրենքում» փոփոխություն կատարելու նախագծին, ինչի արդյունքում ռուսերենը կդառնա պաշտոնական լեզու` գրական հայերենին զուգահեռ: Այս մասին Civic.am-ի հետ զրույցում ասաց Արցախի ՀՅԴ պատգամավոր Արթուր Մոսիյանը:
Արթուր Մոսիյանը հավելեց, որ այս նախագծին ոչ մեկը դեմ չի քվեարկել, իսկ ՀՅԴ պատգամավորները ձեռնպահ են մնացել. «Մենք առաջարկ էինք ներկայացրել հանձնաժողովին` լավարկելու օրենքը, որպեսզի ռուսերենը ոչ թե պաշտոնական, այլ աշխատանքային լեզու լինի Արցախում` հաշվի առնելով, որ այստեղ կան խնդիրներ գրագրության հետ կապված, սակայն մեր առաջարկը մերժվեց առանց պատճառաբանության: Առաջարկը մեր ֆրակցիայից Վահրամ Բալայանն էր ներկայացրել»:
Պատգամավորը պարզաբանեց, որ օրենքի հեղինակների հիմնական հիմնավորումներից մեկն այն էր, որ ռուս խաղաղապահների հետ գրավոր համագործակցության անհրաժեշտություն կա, որը պետք է ռուսերեն լեզվով իրականացվի, և ՀՅԴ պատգամավորներն էլ ասել են` այդ դեպքում թող աշխատանքային լեզու լինի, ոչ թե պաշտոնական, սակայն հանձնաժողովը մերժել է:
«Երեկ` մարտի 25-ին, Արցախի ԱԺ նիստն էր, նախագիծն առաջին ընթերցմամբ և ամբողջությամբ ընդունվեց, որովհետև մեր ԱԺ կանոնակարգ օրենքով` օրենքի փոփոխությունները կարող են մեկ ընթերցմամբ ընդունվել»,-հիշատակեց Արթուր Մոսիյանն ու նշեց, որ օրենքն ուժի մեջ է մտնելու հրապարակման պահից, և այն արդեն ուղարկվել է Արցախի նախագահ Արայիկ Հարույթունյանին, որպեսզի վերջինս ստորագրի:
Արցախի խորհրդարանում 33 պատգամավոր է, որից 3-ը «Հայ հեղափոխական դաշնակցություն» կուսակցության անդամներն են:
Արցախի Սահմանադրությամբ գրված է, որ պետական լեզուն հայերենն է, իսկ պաշտոնական լեզուն` գրական հայերենը, օրենքն ուժի մեջ մտնելու պահից արդեն պաշտոնական լեզու կդառնա նաև ռուսերենը:
Հիշեցնենք, որ «Լեզվի մասին օրենքում» փոփոխություն կատարելու նախագծի հեղինակներն էին Արցախի խորհրդարանի նախագահի տեղակալ, «Միասնական հայրենիք» խմբակցության անդամ Գագիկ Բաղունցը, պատգամավորներ՝ «Ազատ հայրենիք-ՔՄԴ» խմբակցությունից Արամ Հարությունյանն ու «Արդարություն» խմբակցությունից Մետաքսե Հակոբյանը։
Նարա Մարտիրոսյան
Արթուր Մոսիյանը հավելեց, որ այս նախագծին ոչ մեկը դեմ չի քվեարկել, իսկ ՀՅԴ պատգամավորները ձեռնպահ են մնացել. «Մենք առաջարկ էինք ներկայացրել հանձնաժողովին` լավարկելու օրենքը, որպեսզի ռուսերենը ոչ թե պաշտոնական, այլ աշխատանքային լեզու լինի Արցախում` հաշվի առնելով, որ այստեղ կան խնդիրներ գրագրության հետ կապված, սակայն մեր առաջարկը մերժվեց առանց պատճառաբանության: Առաջարկը մեր ֆրակցիայից Վահրամ Բալայանն էր ներկայացրել»:
Պատգամավորը պարզաբանեց, որ օրենքի հեղինակների հիմնական հիմնավորումներից մեկն այն էր, որ ռուս խաղաղապահների հետ գրավոր համագործակցության անհրաժեշտություն կա, որը պետք է ռուսերեն լեզվով իրականացվի, և ՀՅԴ պատգամավորներն էլ ասել են` այդ դեպքում թող աշխատանքային լեզու լինի, ոչ թե պաշտոնական, սակայն հանձնաժողովը մերժել է:
«Երեկ` մարտի 25-ին, Արցախի ԱԺ նիստն էր, նախագիծն առաջին ընթերցմամբ և ամբողջությամբ ընդունվեց, որովհետև մեր ԱԺ կանոնակարգ օրենքով` օրենքի փոփոխությունները կարող են մեկ ընթերցմամբ ընդունվել»,-հիշատակեց Արթուր Մոսիյանն ու նշեց, որ օրենքն ուժի մեջ է մտնելու հրապարակման պահից, և այն արդեն ուղարկվել է Արցախի նախագահ Արայիկ Հարույթունյանին, որպեսզի վերջինս ստորագրի:
Արցախի խորհրդարանում 33 պատգամավոր է, որից 3-ը «Հայ հեղափոխական դաշնակցություն» կուսակցության անդամներն են:
Արցախի Սահմանադրությամբ գրված է, որ պետական լեզուն հայերենն է, իսկ պաշտոնական լեզուն` գրական հայերենը, օրենքն ուժի մեջ մտնելու պահից արդեն պաշտոնական լեզու կդառնա նաև ռուսերենը:
Հիշեցնենք, որ «Լեզվի մասին օրենքում» փոփոխություն կատարելու նախագծի հեղինակներն էին Արցախի խորհրդարանի նախագահի տեղակալ, «Միասնական հայրենիք» խմբակցության անդամ Գագիկ Բաղունցը, պատգամավորներ՝ «Ազատ հայրենիք-ՔՄԴ» խմբակցությունից Արամ Հարությունյանն ու «Արդարություն» խմբակցությունից Մետաքսե Հակոբյանը։
Նարա Մարտիրոսյան