«AstraZeneca» պատվաստանյութը հիմնականում հասանելի կլինի ռիսկային խմբերին»․ Գայանե Սահակյան

 «Հայաստանը «COVAX FASILITY» նախաձեռնության շրջանակներում  24 հազար դեղաչափ «AstraZeneca» ընկերության պատվաստանյութ է ձեռք բերել, բայց նախաձեռնության շրջանակներում միայն «AstraZeneca» պատվաստանյութ չի ձեռքբերվելու», - այս մասին  հրավիրված ասուլիսի ընթացքում հայտարարեց ԱՆ հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ Գայանե Սահակյանը։

Սահկյանի խոսքով՝ առաջին փուլում ձեռքբերված պատվաստանյութով  պատվաստումը կլինի առաջին դեղաչափով, քանի որ առաջիկայում պատվաստանյութի նոր խմբաքանակ է լինելու: «Այն ստանալուց հետո, արդեն երկրորդ դեղաչափը կառաջարկվի: Առաջին և երկրորդ դեղաչափերի միջև նվազագույն ինտերվալը՝ 8 շաբաթը պահպանվելու է»:

Սահալյանը նշեց, որ պատվաստումից հետո հնարավոր են ռեակցիաներ, բայց դրանք  բոլորը սպասվող ռեակցիաներ են, դրանք սարսափելի չեն եւ կարճ ժամանակում անցնում են. «Մինչեւ այսօր 20 մլն պատվաստում է կատարվել, և գրանցվել է 7  ընդհանուր անոթային տրոմբոէմբոլիա, մոտավորապես 18 գլխուղեղի սինուսային տրոմբոէմբոլիա: Այդ ուսումնասիրությունները, շեմային ցուցանիշները և պատվաստումից հետո հայտնաբերված ցուցանիշները որևէ ռիսկ չեն հայտնաբերել: Քովիդը կարող է առաջացնել դրանք, դրանք վիրուսի սովորական բարդություններից են: Այս պահին ոչ ոք չի կարող ապացուցել՝ պատվաստված 20 մլն.-ից 18-ն արդյո՞ք վարակ չի ունեցել»:

Սահակյանը հայտարարեց, որ այս պահի դրությամբ, բոլոր բուժհաստատությունների հետ աշխատելու են, պատվաստանյութը համամասնորեն բաժանվելու է: Այն հիմնականում հասանելի է լինելու ռիսկի խմբերին: