Շիրակի մարզից 21 դպրոցի վերանորոգման հայտ է ներկայացվել. օգոստոսյան խորհրդակցություն Գյումրիում
Հայաստան
2022-2023 ուստարվան ընդառաջ ՀՀ կրթության, գիտության, մշակույթի և սպորտի նախարարության ներկայացուցիչներն օգոստոսյան հերթական խորհրդակցությունն անցկացել են Շիրակի մարզում:
Խորհրդակցությանը մասնակցել են Շիրակի մարզպետ Նազելի Բաղդասարյանը, ԿԳՄՍՆ հանրակրթության վարչության պետ Արսեն Բաղդասարյանը, ՀՀ Շիրակի մարզպետարանի կրթության, մշակույթի և սպորտի վարչության պետ Հրայր Կարապետյանը, ԿԶՆԱԿ-ի տնօրենի պաշտոնակատար Արտաշես Թորոսյանը, Հանրապետական մանկավարժահոգեբանական կենտրոնի տնօրեն Արաքսիա Սվաջյանը, նախարարության և մարզպետարանի այլ ներկայացուցիչներ:
Շիրակի մարզպետ Նազելի Բաղդասարյանը նոր ուսումնական տարվա մեկնարկի առթիվ շնորհավորել է խորհրդակցության մասնակիցներին և ուրախությամբ փաստել, որ տարին կարևոր նախաձեռնությամբ են մեկնարկում։ Շիրակի մարզպետարանը, Վարչապետի հանձնարարականով, ներկայացրել է մարզի 21 դպրոցի վերանորոգման հայտ, որոնք փոխվարչապետի մոտ կայացած քննարկման ընթացքում նախնական ընդգրկվել են անհետաձգելի կապիտալ բնույթի ծրագրում։ Նախատեսվում է շուրջ 553 մլն դրամի շրջանակում դպրոցներում իրականացնել տանիքների նորոգման, դռների, պատուհանների փոխարինման, սանհանգույցների, աստիճանների վերակառուցման, տարածքների բարեկարգման աշխատանքներ։
«Կառավարությունը հավատարիմ է խոստմանը, և 300 դպրոց, 500 մանկապարտեզ ծրագիրը քայլ-քայլ կյանքի է կոչվում։ Կրթության համակարգը, լինելով առաջնային ոլորտ պետական համակարգում, վերջին տարիներին բազմաթիվ փոփոխությունների է ենթարկվել, այդ թվում՝ օրենսդրական, որոնք բերել են նոր որակ»,- նշել է մարզպետը։
Ներկաներին ողջունել և հաջող ուսումնական տարի է մաղթել նաև ԿԳՄՍՆ հանրակրթության վարչության պետ Արսեն Բաղդասարյանը: Նա նաև անդրադարձել է կրթական համակարգի մի շարք նորությունների` պարզաբանումներ ներկայացնելով կատարված օրենսդրական, վարչարարական փոփոխությունների, փորձարկվող կրթական նոր չափորոշիչների, առաջին անգամ անցկացվող ՆՈՒՀ-երի տնօրենների հավաստագրման գործընթացի, դպրոցների ֆինանսավորման կարգի փոփոխությունների և այլնի վերաբերյալ։
2020-2021 ուստարում Շիրակի մարզն ունեցել է 17 մեդալակիր, բուհ է ընդունվել 833 շրջանավարտ, որոնցից 213-ը՝ առաջին անվճար հայտով։ 2021-2022 ուստարում դպրոցականների առարկայական օլիմպիադաների հանրապետական փուլերին մարզից մասնակցել է 151 աշակերտ՝ արժանանալով 27 դիպլոմի և 24 գովասանագրի։
Խորհրդակցության ընթացքում քննարկվել են նաև ուսուցիչների պարտադիր ու կամավոր վերապատրաստման գործընթացին, ատեստավորմանն առնչվող, ինչպես նաև կազմակերպչական մի շարք այլ հարցեր։
Խորհրդակցությանը մասնակցել են Շիրակի մարզպետ Նազելի Բաղդասարյանը, ԿԳՄՍՆ հանրակրթության վարչության պետ Արսեն Բաղդասարյանը, ՀՀ Շիրակի մարզպետարանի կրթության, մշակույթի և սպորտի վարչության պետ Հրայր Կարապետյանը, ԿԶՆԱԿ-ի տնօրենի պաշտոնակատար Արտաշես Թորոսյանը, Հանրապետական մանկավարժահոգեբանական կենտրոնի տնօրեն Արաքսիա Սվաջյանը, նախարարության և մարզպետարանի այլ ներկայացուցիչներ:
Շիրակի մարզպետ Նազելի Բաղդասարյանը նոր ուսումնական տարվա մեկնարկի առթիվ շնորհավորել է խորհրդակցության մասնակիցներին և ուրախությամբ փաստել, որ տարին կարևոր նախաձեռնությամբ են մեկնարկում։ Շիրակի մարզպետարանը, Վարչապետի հանձնարարականով, ներկայացրել է մարզի 21 դպրոցի վերանորոգման հայտ, որոնք փոխվարչապետի մոտ կայացած քննարկման ընթացքում նախնական ընդգրկվել են անհետաձգելի կապիտալ բնույթի ծրագրում։ Նախատեսվում է շուրջ 553 մլն դրամի շրջանակում դպրոցներում իրականացնել տանիքների նորոգման, դռների, պատուհանների փոխարինման, սանհանգույցների, աստիճանների վերակառուցման, տարածքների բարեկարգման աշխատանքներ։
«Կառավարությունը հավատարիմ է խոստմանը, և 300 դպրոց, 500 մանկապարտեզ ծրագիրը քայլ-քայլ կյանքի է կոչվում։ Կրթության համակարգը, լինելով առաջնային ոլորտ պետական համակարգում, վերջին տարիներին բազմաթիվ փոփոխությունների է ենթարկվել, այդ թվում՝ օրենսդրական, որոնք բերել են նոր որակ»,- նշել է մարզպետը։
Ներկաներին ողջունել և հաջող ուսումնական տարի է մաղթել նաև ԿԳՄՍՆ հանրակրթության վարչության պետ Արսեն Բաղդասարյանը: Նա նաև անդրադարձել է կրթական համակարգի մի շարք նորությունների` պարզաբանումներ ներկայացնելով կատարված օրենսդրական, վարչարարական փոփոխությունների, փորձարկվող կրթական նոր չափորոշիչների, առաջին անգամ անցկացվող ՆՈՒՀ-երի տնօրենների հավաստագրման գործընթացի, դպրոցների ֆինանսավորման կարգի փոփոխությունների և այլնի վերաբերյալ։
2020-2021 ուստարում Շիրակի մարզն ունեցել է 17 մեդալակիր, բուհ է ընդունվել 833 շրջանավարտ, որոնցից 213-ը՝ առաջին անվճար հայտով։ 2021-2022 ուստարում դպրոցականների առարկայական օլիմպիադաների հանրապետական փուլերին մարզից մասնակցել է 151 աշակերտ՝ արժանանալով 27 դիպլոմի և 24 գովասանագրի։
Խորհրդակցության ընթացքում քննարկվել են նաև ուսուցիչների պարտադիր ու կամավոր վերապատրաստման գործընթացին, ատեստավորմանն առնչվող, ինչպես նաև կազմակերպչական մի շարք այլ հարցեր։