Հայ-թուրքական հարաբերությունները նորմալացնելու խնդիրը նորից եկավ օրակարգ, ի՞նչ գնով, երբ հայ ռազմագերիներին պահում են իրենց մոտ՝ որոշակի ակնալիքներով․ Աշոտ Մելքոնյան
Հայաստան
Այսօր՝ ապրիլի 20-ին ԳԱԱ-ում ծավալվել է՝ Թուրքիայի պատասխանատվությունը երեկ և այսօր թեմայով քննարկումը։
Բացման ելույթով հանդես եկավ ՀՀ ԳԱԱ պատմության ինստիտուտի տնօրեն Աշոտ Մելքոնյանը։ Նա նշեց, որ այսօր զուգահեռներ կանցկացնեն 2015- 2020թթ․-ին՝ փորձելով հասկանալ՝ ինչ տեղի ունեցավ 100 տարի առաջ և ինչ տեղի ունեցավ 100 տարի հետո․ «Մենք երբեք դեմ չենք եղել Թուրքիայի հետ հարաբերությունների կառուցմանը, այնուհետև ջերմացմանը, բայց պատմությունը ցույց է տվել, որ այդ հարաբերությունները միշտ կառուցվել է ի վնաս մեզ։ Թուրքիան միշտ փորձել է Հայոց ցեղասպանության խնդիրը հանել օրակարգից և պաշտոնական Անկարան միշտ հայտարարել է, որ մոռանանք պատմությունը և եթե ուզում ենք նորմալ հարաբերություններ ունենանք՝ նայենք ապագային»։
Նա հռետորական հարցադրում արեց՝ անդրադառնալով 1990թ․«Անկախության հռչակագրին»․ «Արդյո՞ք պատահական էր, որ 1990թ․ օգոստոսի 23-ին Հայաստանի Գերագույն խորհրդի կողմից ընդունված կարևորագույն փաստաթղթի՝ «Անկախության հռչակագրի» վերջին կետը, որն ամբողջությամբ վերաբերում էր Հայոց ցեղասպանության խնդրին, որ ՀՀ-ն իր վրա պարտավորություն էր վերցնում արտաքին քաղաքականության բաղադրամաս դարձնել Ցեղասպանության միջազգային ճանաչման խնդիրը։ Այդ հասնգամանքը բուռն դժգոհություն առաջացրեց Թուրքիայում»։
Աշոտ Մելքոնյանը հիշատակեց նաև 90-ականների վերջին օրակարգ եկած «Հայ-թուրքական հաշտեցման» հանձնաժողովի աշխատանքները, և ընդգծեց, որ այդ հանձնաժողովի անունն իսկ ամոթալի էր, որովհետև այդ անունից ստացվում էր, որ մենք փողոցային կռիվ ենք ունեցել թուրքերի հետ և հիմա հաշտեցման մասին է խոսքը․ «ՀՀ-ն հայտարարում էր, որ մենք որևէ կապ չունենք այդ բանակցությունների հետ, որոնք ԱՄՆ-ում էին ընթանում։ Այնտեղ էին նաև հայկական կողմից ներկայացուցիչներ, իսկ ԱԳՆ-ի ներկայացուցիչը մշտապես հայտարարում էր, որ ինքը անհատապես է ներկայացնում հայկական կողմը, բայց հետագայում ստացվեց, որ պետական շրջանակներն անշուշտ կապի մեջ են եղել»։
Նա հիշատակելով պատմության էջերը՝ անդրադարձ կատարեց նաև օրակարգ եկած հայ-թուրքական Ցյուրիխյան արձանագրություններին, հիշեցրեց ֆուտբոլային դիվանագիտությունը, և ընդգծեց, որ բարեբախտաբար այն ձախողվեց․ «Մեր հանրությունը պնդում էր, որ հայ-թուրքական հարաբերությունները ցյուրիխյան արձանագրությունների ձևով կառուցելը հնարավոր չէ։ Եվ հիմա տեսնում ենք, որ 2020թ․ նոյեմբերի 9-ին ստորագրելով այդ չարաբաստիկ հայտարարությունը՝ հայ-թուրքական հարաբերությունները նորմալացնելու խնդիրը նորից եկավ օրակարգ։ Ի՞նչ գնով, երբ Թուրքիայի կողմից ասում են խոչընդոտը վերացված է, Ղարաբաղի խնդիրը լուծված է, նշանակում է իրենց պատկերացմամբ արգելք գոյություն չունի, բայց հայ ռազմագերիներին պահում են իրենց մոտ՝ որոշակի ակնկալիքներով»։
Բացման ելույթով հանդես եկավ ՀՀ ԳԱԱ պատմության ինստիտուտի տնօրեն Աշոտ Մելքոնյանը։ Նա նշեց, որ այսօր զուգահեռներ կանցկացնեն 2015- 2020թթ․-ին՝ փորձելով հասկանալ՝ ինչ տեղի ունեցավ 100 տարի առաջ և ինչ տեղի ունեցավ 100 տարի հետո․ «Մենք երբեք դեմ չենք եղել Թուրքիայի հետ հարաբերությունների կառուցմանը, այնուհետև ջերմացմանը, բայց պատմությունը ցույց է տվել, որ այդ հարաբերությունները միշտ կառուցվել է ի վնաս մեզ։ Թուրքիան միշտ փորձել է Հայոց ցեղասպանության խնդիրը հանել օրակարգից և պաշտոնական Անկարան միշտ հայտարարել է, որ մոռանանք պատմությունը և եթե ուզում ենք նորմալ հարաբերություններ ունենանք՝ նայենք ապագային»։
Նա հռետորական հարցադրում արեց՝ անդրադառնալով 1990թ․«Անկախության հռչակագրին»․ «Արդյո՞ք պատահական էր, որ 1990թ․ օգոստոսի 23-ին Հայաստանի Գերագույն խորհրդի կողմից ընդունված կարևորագույն փաստաթղթի՝ «Անկախության հռչակագրի» վերջին կետը, որն ամբողջությամբ վերաբերում էր Հայոց ցեղասպանության խնդրին, որ ՀՀ-ն իր վրա պարտավորություն էր վերցնում արտաքին քաղաքականության բաղադրամաս դարձնել Ցեղասպանության միջազգային ճանաչման խնդիրը։ Այդ հասնգամանքը բուռն դժգոհություն առաջացրեց Թուրքիայում»։
Աշոտ Մելքոնյանը հիշատակեց նաև 90-ականների վերջին օրակարգ եկած «Հայ-թուրքական հաշտեցման» հանձնաժողովի աշխատանքները, և ընդգծեց, որ այդ հանձնաժողովի անունն իսկ ամոթալի էր, որովհետև այդ անունից ստացվում էր, որ մենք փողոցային կռիվ ենք ունեցել թուրքերի հետ և հիմա հաշտեցման մասին է խոսքը․ «ՀՀ-ն հայտարարում էր, որ մենք որևէ կապ չունենք այդ բանակցությունների հետ, որոնք ԱՄՆ-ում էին ընթանում։ Այնտեղ էին նաև հայկական կողմից ներկայացուցիչներ, իսկ ԱԳՆ-ի ներկայացուցիչը մշտապես հայտարարում էր, որ ինքը անհատապես է ներկայացնում հայկական կողմը, բայց հետագայում ստացվեց, որ պետական շրջանակներն անշուշտ կապի մեջ են եղել»։
Նա հիշատակելով պատմության էջերը՝ անդրադարձ կատարեց նաև օրակարգ եկած հայ-թուրքական Ցյուրիխյան արձանագրություններին, հիշեցրեց ֆուտբոլային դիվանագիտությունը, և ընդգծեց, որ բարեբախտաբար այն ձախողվեց․ «Մեր հանրությունը պնդում էր, որ հայ-թուրքական հարաբերությունները ցյուրիխյան արձանագրությունների ձևով կառուցելը հնարավոր չէ։ Եվ հիմա տեսնում ենք, որ 2020թ․ նոյեմբերի 9-ին ստորագրելով այդ չարաբաստիկ հայտարարությունը՝ հայ-թուրքական հարաբերությունները նորմալացնելու խնդիրը նորից եկավ օրակարգ։ Ի՞նչ գնով, երբ Թուրքիայի կողմից ասում են խոչընդոտը վերացված է, Ղարաբաղի խնդիրը լուծված է, նշանակում է իրենց պատկերացմամբ արգելք գոյություն չունի, բայց հայ ռազմագերիներին պահում են իրենց մոտ՝ որոշակի ակնկալիքներով»։