Կառավարությունը բարելավում է Առևտրային արբիտրաժին առնչվող որոշ իրավակարգավորումներ. նախաձեռնությունը քննարկվել է Պետական-իրավական հարցերի հանձնաժողովում
Հայաստան
Օրենսդրական փաթեթով առաջարկվող փոփոխությունները միտված են բարելավելու արբիտրաժին առնչվող որոշ իրավակարգավորումներ, զարգացնելու արբիտրաժի ինստիտուտը, շտկելու օրենսդրական թերությունները. ասել է ՀՀ արդարադատության նախարարի տեղակալ Արմենուհի Հարությունյանը Պետական-իրավական հարցերի մշտական հանձնաժողովի` մարտի 13-ի նիստում:
«Վեճերի լուծման այլընտրանքային եղանակների զարգացումը մեր պետության առաջնահերթություններից է, ինչը բխում է Կառավարության հնգամյա ծրագրից, ինչպես նաեւ դատաիրավական բարեփոխումների ռազմավարությունից»,- ընդգծել է Կառավարության ներկայացուցիչը:
«Առեւտրային արբիտրաժի մասին» օրենքում Կառավարությունն առաջարկում է սահմանել արբիտրների շահերի բախման բացահայտման բավարար գործիքներ եւ չափանիշներ:
Զեկուցողի խոսքով օրենքով կսահմանվեն այն նվազագույն հիմքերը, որոնց դեպքում արբիտրին պետք է բացարկ հայտնվի: «Արդյունքում ավելի հստակ կլինեն արբիտրների բացարկման որոշ հիմքեր. դրանք առավել արդյունավետ կպաշտպանեն արբիտրաժային վարույթի կողմերի միջեւ հավասարությունը, կբարձրացնեն արբիտրաժային ինստիտուտի նկատմամբ հասարակության վստահությունը` միաժամանակ չսահմանափակելով արբիտրաժային հաստատությունների կողմից բացարկի այլ հիմքեր սահմանելու հնարավորությունը:
Նախատեսվում է, որ արբիտրաժային տրիբունալի իրավասության վիճարկման վերաբերյալ գործերը քննվելու են Երեւանի ընդհանուր իրավասության դատարանի կողմից: Հաջորդ փոփոխությունը վերաբերում է արբիտրաժային վեճերի հստակեցմանը:
ՀՀ քաղաքացիական դատավարության օրենսգրքում փոփոխությունների շրջանակում առաջարկվում է բացառել այն չարաշահումները, երբ արբիտրաժի կողմերը փորձում են ձգձգել դատարանում արբիտրաժային վճռի հարկադիր կատարման կամ չեղյալ ճանաչման վարույթները:
Արմենուհի Հարությունյանի տեղեկացմամբ Կառավարությունը նախաձեռնությունը լրամշակել է ԱԺ աշխատակազմի փորձագիտական եւ վերլուծական վարչության ներկայացրած առաջարկների հիման վրա:
Պատասխանելով պատգամավոր Ալխաս Ղազարյանի հարցին` զեկուցողը նշել է, որ ոլորտում իրականացվող փոփոխությունները միտված են նաեւ թեթեւացնելու ընդհանուր իրավասության դատարանների ծանրաբեռնվածությունը:
Հարակից զեկուցող, հանձնաժողովի փոխնախագահ Արուսյակ Ջուլհակյանը ողջունել է նախաձեռնությունը: Նրա խոսքով արբիտրաժի ինստիտուտի լավարկումը դատարանների բեռնաթափմանն ուղղված քայլերից է: Պատգամավորը հորդորել է դրական եզրակացության արժանացնել նախաձեռնությունը:
Առաջին ընթերցմամբ քննարկված ««Առեւտրային արբիտրաժի մասին» օրենքում լրացումներ եւ փոփոխություններ կատարելու մասին» եւ «Հայաստանի Հանրապետության քաղաքացիական դատավարության օրենսգրքում լրացումներ եւ փոփոխություններ կատարելու մասին» օրինագծերի փաթեթը ստացել է դրական եզրակացություն:
Հանձնաժողովը երկրորդ ընթերցմամբ քննարկել եւ դրական եզրակացություն է տվել «Պետական պաշտոններ եւ պետական ծառայության պաշտոններ զբաղեցնող անձանց վարձատրության մասին» օրենքում առաջարկվող լրացումներին եւ փոփոխություններին:
Հարցը ներկայացրել է ՀՀ արդարադատության նախարարի տեղակալ Լեւոն Բալյանը: Նրա խոսքով նախաձեռնության ընդունման արդյունքում դատախազներին կվճարվի ամսական հավելում` պաշտոնային դրույքաչափի իննսուներկու տոկոսի չափով:
Առաջինից երկրորդ ընթերցում նախագծում կատարվել է տեխնիկական փոփոխություն:
«Վեճերի լուծման այլընտրանքային եղանակների զարգացումը մեր պետության առաջնահերթություններից է, ինչը բխում է Կառավարության հնգամյա ծրագրից, ինչպես նաեւ դատաիրավական բարեփոխումների ռազմավարությունից»,- ընդգծել է Կառավարության ներկայացուցիչը:
«Առեւտրային արբիտրաժի մասին» օրենքում Կառավարությունն առաջարկում է սահմանել արբիտրների շահերի բախման բացահայտման բավարար գործիքներ եւ չափանիշներ:
Զեկուցողի խոսքով օրենքով կսահմանվեն այն նվազագույն հիմքերը, որոնց դեպքում արբիտրին պետք է բացարկ հայտնվի: «Արդյունքում ավելի հստակ կլինեն արբիտրների բացարկման որոշ հիմքեր. դրանք առավել արդյունավետ կպաշտպանեն արբիտրաժային վարույթի կողմերի միջեւ հավասարությունը, կբարձրացնեն արբիտրաժային ինստիտուտի նկատմամբ հասարակության վստահությունը` միաժամանակ չսահմանափակելով արբիտրաժային հաստատությունների կողմից բացարկի այլ հիմքեր սահմանելու հնարավորությունը:
Նախատեսվում է, որ արբիտրաժային տրիբունալի իրավասության վիճարկման վերաբերյալ գործերը քննվելու են Երեւանի ընդհանուր իրավասության դատարանի կողմից: Հաջորդ փոփոխությունը վերաբերում է արբիտրաժային վեճերի հստակեցմանը:
ՀՀ քաղաքացիական դատավարության օրենսգրքում փոփոխությունների շրջանակում առաջարկվում է բացառել այն չարաշահումները, երբ արբիտրաժի կողմերը փորձում են ձգձգել դատարանում արբիտրաժային վճռի հարկադիր կատարման կամ չեղյալ ճանաչման վարույթները:
Արմենուհի Հարությունյանի տեղեկացմամբ Կառավարությունը նախաձեռնությունը լրամշակել է ԱԺ աշխատակազմի փորձագիտական եւ վերլուծական վարչության ներկայացրած առաջարկների հիման վրա:
Պատասխանելով պատգամավոր Ալխաս Ղազարյանի հարցին` զեկուցողը նշել է, որ ոլորտում իրականացվող փոփոխությունները միտված են նաեւ թեթեւացնելու ընդհանուր իրավասության դատարանների ծանրաբեռնվածությունը:
Հարակից զեկուցող, հանձնաժողովի փոխնախագահ Արուսյակ Ջուլհակյանը ողջունել է նախաձեռնությունը: Նրա խոսքով արբիտրաժի ինստիտուտի լավարկումը դատարանների բեռնաթափմանն ուղղված քայլերից է: Պատգամավորը հորդորել է դրական եզրակացության արժանացնել նախաձեռնությունը:
Առաջին ընթերցմամբ քննարկված ««Առեւտրային արբիտրաժի մասին» օրենքում լրացումներ եւ փոփոխություններ կատարելու մասին» եւ «Հայաստանի Հանրապետության քաղաքացիական դատավարության օրենսգրքում լրացումներ եւ փոփոխություններ կատարելու մասին» օրինագծերի փաթեթը ստացել է դրական եզրակացություն:
Հանձնաժողովը երկրորդ ընթերցմամբ քննարկել եւ դրական եզրակացություն է տվել «Պետական պաշտոններ եւ պետական ծառայության պաշտոններ զբաղեցնող անձանց վարձատրության մասին» օրենքում առաջարկվող լրացումներին եւ փոփոխություններին:
Հարցը ներկայացրել է ՀՀ արդարադատության նախարարի տեղակալ Լեւոն Բալյանը: Նրա խոսքով նախաձեռնության ընդունման արդյունքում դատախազներին կվճարվի ամսական հավելում` պաշտոնային դրույքաչափի իննսուներկու տոկոսի չափով:
Առաջինից երկրորդ ընթերցում նախագծում կատարվել է տեխնիկական փոփոխություն:
Կարդացեք նաև
28 սեպտեմբեր 2022, 14:49
Հանրային պաշտոն զբաղեցնող անձինք և հանրային ծառայողները նվերներ ընդունելու սահմանափակումները խախտելու դեպքում կենթարկվեն վարչական պատասխանատվության
17 մարտ 2021, 13:59
Վիրավորանքի, զրպարտության համար փոխհատուցման չափերը կբարձրացվեն. նախագծում փոփոխություն է կատարվել
28 սեպտեմբեր 2021, 12:38
Պետական-իրավական հարցերի մշտական հանձնաժողովի նիստում հետաձգվել է «ՀՀ քաղաքացիության մասին» օրենքում առաջարկվող փոփոխությունների քննարկումը
21 ապրիլ 2022, 18:49
Կառավարության օրենսդրական նախաձեռնությամբ կարգավորվում են լիզինգատու-լիզինգառու հարաբերությունները. Գրիգոր Մինասյան
2 հունիս 2022, 21:27
Դատարանների ծանրաբեռնվածությունը հնարավորինս կթեթևանա, որոշ ընտանեկան գործերով հաշտարարությունը պարտադիր կլինի
30 ապրիլ 2021, 13:54
Քրեական օրենսգրքում պաշտոնատար անձանց կողմից կեղծ տեղեկատվություն տրամադրելուն վերաբերող լրացումը մերժվեց