Մարգարայի նախկին հայ-թուրքական սահմանային անցակետն իր հարակից տարածքներով նվիրատվությամբ վերադարձվում է ՊԵԿ-ին. Մեծամորի համայնքապետի տեղակալ
Հայաստան
Մեծամորի ավագանու որոշմամբ՝ Մարգարայի նախկին հայ-թուրքական սահմանային անցակետն իր հարակից տարածքներով նվիրատվությամբ կվերադարձվի ՊԵԿ-ին։ Այս մասին Civic.am-ին տեղեկացրեց Մեծամորի համայնքի ղեկավարի առաջին տեղակալ Էդգար Հովհաննիսյանը։
Նշենք, որ ՀՀ ԱԳ նախարար Արարատ Միրզոյանը մոտ մեկ ամիս առաջ կառավարության հերթական նիստի ժամանակ տեղեկացրել էր, որ Հայաստան-Թուրքիա սահմանը դիվանագիտական անձնագիր ունեցողների և երրորդ երկրների քաղաքացիների համար նախատեսվում է բացել մինչև զբոսաշրջային սեզոնի մեկնարկը։
Հայ-թուրքական սահմանի բացման, այդ թվում՝ մաքսային հսկողության աշխատանքներն իրականացնելու նպատակով ՊԵԿ-ը դիմել էր Մեծամորի համայնքապետարան՝ նախկինում իրեն պատկանող անշարժ գույքը վերադարձնելու նպատակով։
Մեծամորի համայնքի ղեկավարի առաջին տեղակալի խոսքով՝ ավագանին դեռևս փետրվարի 17-ի նիստի ժամանակ որոշում է կայացրել ՊԵԿ-ին նվիրատվության կարգով վերադարձնել անշարժ գույքը, և հիմա նվիրատվության գործընթացն է ընթանում: «Տվյալ գույքը նախկինում ՀՀ-ին է պատկանել, 2020թ.-ին նվիրատվություն են տվել Մարգարա գյուղին, և հիմա պետությունը իր գույքը հետ է վերցնում»,- ասաց Էդգար Հովհաննիսյանը։
Մարգարա բնակավայրի ղեկավար Էդգար Ենոքյանն էլ նշեց, որ նվիրատվությունից ի վեր այդ տարածքները եղել են ՌԴ սահմանապահ զորքի հսկողության տակ և չեն օգտագործվել. «Կիսակառույց շինություններ են՝ հարակից հողատարածքներով՝ բակ, հետնամաս։ ՀՀ նախկին մաքսատան տարածքն այս ողջ ընթացքում, հիմա էլ դեռ ՌԴ սահմանապահների հսկողության տակ է»։
Հարցին՝ 2020թ.-ին ի՞նչ նպատակով են այդ տարածքները նվիրատվությամբ տրվել Մարգարա բնակավայրին, Մարգարա բնակավայրի ղեկավարն ու Մեծամորի համայնքի ղեկավարի առաջին տեղակալը դժվարացան պատասխանել։
Նարա Մարտիրոսյան
Նշենք, որ ՀՀ ԱԳ նախարար Արարատ Միրզոյանը մոտ մեկ ամիս առաջ կառավարության հերթական նիստի ժամանակ տեղեկացրել էր, որ Հայաստան-Թուրքիա սահմանը դիվանագիտական անձնագիր ունեցողների և երրորդ երկրների քաղաքացիների համար նախատեսվում է բացել մինչև զբոսաշրջային սեզոնի մեկնարկը։
Հայ-թուրքական սահմանի բացման, այդ թվում՝ մաքսային հսկողության աշխատանքներն իրականացնելու նպատակով ՊԵԿ-ը դիմել էր Մեծամորի համայնքապետարան՝ նախկինում իրեն պատկանող անշարժ գույքը վերադարձնելու նպատակով։
Մեծամորի համայնքի ղեկավարի առաջին տեղակալի խոսքով՝ ավագանին դեռևս փետրվարի 17-ի նիստի ժամանակ որոշում է կայացրել ՊԵԿ-ին նվիրատվության կարգով վերադարձնել անշարժ գույքը, և հիմա նվիրատվության գործընթացն է ընթանում: «Տվյալ գույքը նախկինում ՀՀ-ին է պատկանել, 2020թ.-ին նվիրատվություն են տվել Մարգարա գյուղին, և հիմա պետությունը իր գույքը հետ է վերցնում»,- ասաց Էդգար Հովհաննիսյանը։
Մարգարա բնակավայրի ղեկավար Էդգար Ենոքյանն էլ նշեց, որ նվիրատվությունից ի վեր այդ տարածքները եղել են ՌԴ սահմանապահ զորքի հսկողության տակ և չեն օգտագործվել. «Կիսակառույց շինություններ են՝ հարակից հողատարածքներով՝ բակ, հետնամաս։ ՀՀ նախկին մաքսատան տարածքն այս ողջ ընթացքում, հիմա էլ դեռ ՌԴ սահմանապահների հսկողության տակ է»։
Հարցին՝ 2020թ.-ին ի՞նչ նպատակով են այդ տարածքները նվիրատվությամբ տրվել Մարգարա բնակավայրին, Մարգարա բնակավայրի ղեկավարն ու Մեծամորի համայնքի ղեկավարի առաջին տեղակալը դժվարացան պատասխանել։
Նարա Մարտիրոսյան