Վահե Հակոբյանի ու հայկական լրատվականների տարածած կեղծ տեղեկությունից հետո ադրբեջանցիների պահանջները փոխվել են, բանակցությունները մոտ են փակուղի մտնելուն

Civic.am-ի վստահելի աղբյուրների փոխանցմամբ՝ այն բանից հետո, երբ Վահե Հակոբյանը անհայտ ծագման աղբյուրից «գաղտնի տեղեկություններ» է տարածել սահմանային վիճակի շուրջ բանակցությունների մասին, դրանք կարծես փակուղի են մտել։

Մեր ճշտող հարցին, թե արդյո՞ք պատճառն այն է, որ ադրբեջանցիները ոգևորվել են Հակոբյանի և հայկական մամուլի տարածած լուրերից ու հայկական կողմից ավելին պահանջել, աղբյուրը չպատասխանեց, սակայն տպավորություն ստացանք, որ հենց այդպես է եղել։

Հիշեցնենք, որ բանակցություններից հետո Սյունիքի նախկին մարզպետ, նախկին ԱԱԾ-ական, Քոչարյանի նախընտրական դաշինքի անդամ Վահե Հակոբյանը հայտարարել է, թե իբր պայմանավորվածություն է ձեռք բերվել, որ 2 կմ հետ գնալու դիմաց ադրբեջանցիները 4 հենակետ են ունենալու Սյունիքի տարածքում՝ 15-ական զինվորներով։