Քաղաքացիակենտրոն
լրատվություն

Այլևս փաստ է՝ Հայաստանը ՀԱՊԿ մեր դաշնակիցների բանավոր խոստումների կամ հավաստիացումների զոհ չի դառնալու․ Արմինե Մարգարյան

Այլևս փաստ է՝ Հայաստանը ՀԱՊԿ մեր դաշնակիցների բանավոր խոստումների կամ հավաստիացումների զոհ չի դառնալու․ Արմինե Մարգարյան
Հայաստան
15:27, 17 май 2021
Ռազմական փորձագետ Արմինե Մարգարյանը ֆեյսբուքյան իր էջում գրել է․

«Ադրբեջանի կողմից Հայաստանի Հանրապետության սուվերեն տարածքի նկատմամբ ոտնձգության և տարածքային ամբողջականության ոտնահարման արդյունքում ստեղծված իրավիճակը շարունակում է բյուրեղանալ, և եթե փորձեմ մեկ նախադասությամբ այն ձևակերպել ապա դա հետևյալն է՝ ՉՆԱՅԱԾ ՇԱՐՈՒՆԱԿՎՈՂ ՃՆՇՈՒՄՆԵՐԻՆ՝ ՀԱՅԱՍՏԱՆԻ ՀԱՆՐԱՊԵՏՈւԹՅՈւՆԸ ՉԻ ՆԱՀԱՆՋՈւՄ ԻՐ ԼԵԳԻՏԻՄ ՇԱՀԸ ՊԱՇՏՊԱՆԵԼՈւ ՀԱՐՑՈւՄ:

ՀԻՄՆԱՎՈՐԵՄ ՏԵՍԱԿԵՏՍ՝

Այն որ Ադրբեջանը փորձում է սահմանների ճշգրտման հարցը ներկայացնել որպես երկկողմ գործընթաց (Հայաստանի և Ադրբեջանի միջև) նշանակում է, որ փորձում է հարցը դուրս թողնել ՀԱՊԿ շրջանակներից: Իսկ դա իր հերթին նշանակում է, որ ՀԱՊԿ մեր դաշնակիցները այս պահի դրությամբ թերանում են իրենց դաշնակցային պարտավորություններում: Այսինքն՝ Պայմանագրի 2-րդ հոդվածով նախատեսված, կամ դրա տրամաբանությունից բխող գործընթացներում, որն այս պահին իմ խորին համոզմամբ հենվում է «Իլհամ, մեզ նեղն ես գցում»-ի համատեքստում ՀԱՊԿ դաշնակիցներ – Ադրբեջան երկխոսության, մտքերի փոխանակման վրա, Ադրբեջանը հող է նախատեսում ՀԱՊԿ-ին ամոթի խարանից մաքրելու համար, որը բնականաբար բխում է նաև ՀԱՊԿ-ի ներսում որոշ մեր դաշնակիցների շահերից:

Պարզ է, որ նույն այս որոշ դաշնակիցները փորձում են նաև մոտավորապես «ամոթ է, կխայտառակվենք» թեզը հայկական կողմին էլ հրամցնել, համոզել, սակայն ի երջանկություն համայն հայությանը՝ ապարդյուն: Վարչապետ Փաշինյանի՝ «ռազմաքաղաքական իրադրությունը չի փոխվել» պնդումը հենց դրա մասին է վկայում:

Այլևս փաստ է, որ Հայաստանը մինչև վերջ գնալու է խնդիրը համապարփակ լուծելու ճանապարհով (ոչ սիմպտոմատիկ), որի հաջողության գրավականը մեր բազմաշերտ և բազմակողմանի գործիկաքազմի առկայությունն է:

Եվ որ ամեակարևորն է` այլևս փաստ է, որ Հայաստանը ՀԱՊԿ մեր դաշնակիցների բանավոր խոստումների կամ հավաստիացումների զոհ չի դառնալու»: