Վայոց ձորի մարզպետն այցելել է Եղեգնաձորում գործող էլեկտրասարքավորումների գործարան

Օրերս Վայոց ձորի մարզպետ Արարատ Գրիգորյանն այցելել է «Ռաֆէլգրիգ» փակ բաժնետիրական ընկերության Եղեգնաձորի էլեկտրասարքավորումների (ռելեի) գործարան:

 

Մարզպետ Արարատ Գրիգորյանը և ընկերության տնօրեն Ռաֆայել Գրիգորյանը շրջել են արտադրամասերում, որի ընթացքում մարզպետը ծանոթացել է արտադրվող սարքերի տեսականուն, աշխատանքային պայմաններին, ինչպես նաև գործարանի շենքային պայմաններին:

 

Մարզպետը և ընկերության տնօրենը քննարկել են արտադրությունն ընդլայնելուն առնչվող մի շարք հարցեր: