ԿԸՀ-ն վաղվա նիստում կքննարկի թեկնածուների հասցեին հնչող հայհոյանքների ու վիրավորանքների հարցը ․Տիգրան Մուկուչյան
Հայաստան
Վիրավորանքներով ու հայհոյանքներով ընթացող քարոզարշավը շարունակվում է։ Երեկ Սերժ Սարգսյանը Կապանում իր համակիրների հետ հանդիպման ժամանակ զերծ չմնաց հայհոյանք հնչեցնելուց․ «Ճակատին նայեն և ասեն ողջույն բ․․ի տղա, դրանից ավելի մեծ կոմպրոմանտ ինչ պիտի անեն»,- ասաց Սարգսյանը՝ վարչապետի պաշտոնակատար Նիկոլ Փաշինյանի մասին։
Civic.am-ը կապ հաստատեց ԿԸՀ նախագահ Տիգրան Մուկուչյանի հետ՝ ճշտելու ինչ զսպող մեխանիզմ է կիրառելու ԿԸՀ-ն իր թեկնածուների վերաբերյալ նման բնույթի հայտարարությունները կանխելու համար։
«Այդ կապակցությամբ նաև դիմումներ էլ ունենք, կքննարկենք և հենց այդ փուլում էլ մեր դիրքորոշումը կարտահայտենք։ Վաղն ամենայն հավանականությամբ նիստ կգումարենք»,- պատասխանեց Տիգրան Մուկուչյանը։
Նշենք նաև, որ այսօր նախընտրական քարոզարշավի ժամանակ հնչող վիրավորանքներին ու հայհոյանքներին անդրադարձել է նաև ՄԻՊ-ը՝ մասնավորապես գրառելով հետևյալը․ «Նախընտրական քարոզարշավը նրա համար չէ, որ մարդկանց համար ապահովվեն փոխադարձ մեղադրանքների, վիրավորանքի ու հայհոյանքի հանրային տեսարաններ: Բովանդակային հարցերի փոխարեն գերակայում են փոխադարձ մեղադրանքները, իրար ուղղված հայհոյանքն ու վիրավորանքը՝ զուգակցված բռնության հետ ասոցացվող հռետորաբանությամբ: Ընդ որում, այնպես է ստացվել, որ անգամ հանրությունն է արդեն սովորել և երբ մի կողմը վիրավորում, հայհոյում կամ մեղադրում է մյուսին, ապա հանրությունն էլ սկսում է անհամբեր սպասել, թե ինչ կամ ինչպես է այդ մյուս կողմը պատասխանելու: Տպավորությունն էլ այն է, թե ավելի ուժեղ է նա, ով ավելի շատ է մեղադրում, ավելի բարձր ու նոր բառերով է հայհոյում կամ վիրավորում․․․»:
Civic.am-ը կապ հաստատեց ԿԸՀ նախագահ Տիգրան Մուկուչյանի հետ՝ ճշտելու ինչ զսպող մեխանիզմ է կիրառելու ԿԸՀ-ն իր թեկնածուների վերաբերյալ նման բնույթի հայտարարությունները կանխելու համար։
«Այդ կապակցությամբ նաև դիմումներ էլ ունենք, կքննարկենք և հենց այդ փուլում էլ մեր դիրքորոշումը կարտահայտենք։ Վաղն ամենայն հավանականությամբ նիստ կգումարենք»,- պատասխանեց Տիգրան Մուկուչյանը։
Նշենք նաև, որ այսօր նախընտրական քարոզարշավի ժամանակ հնչող վիրավորանքներին ու հայհոյանքներին անդրադարձել է նաև ՄԻՊ-ը՝ մասնավորապես գրառելով հետևյալը․ «Նախընտրական քարոզարշավը նրա համար չէ, որ մարդկանց համար ապահովվեն փոխադարձ մեղադրանքների, վիրավորանքի ու հայհոյանքի հանրային տեսարաններ: Բովանդակային հարցերի փոխարեն գերակայում են փոխադարձ մեղադրանքները, իրար ուղղված հայհոյանքն ու վիրավորանքը՝ զուգակցված բռնության հետ ասոցացվող հռետորաբանությամբ: Ընդ որում, այնպես է ստացվել, որ անգամ հանրությունն է արդեն սովորել և երբ մի կողմը վիրավորում, հայհոյում կամ մեղադրում է մյուսին, ապա հանրությունն էլ սկսում է անհամբեր սպասել, թե ինչ կամ ինչպես է այդ մյուս կողմը պատասխանելու: Տպավորությունն էլ այն է, թե ավելի ուժեղ է նա, ով ավելի շատ է մեղադրում, ավելի բարձր ու նոր բառերով է հայհոյում կամ վիրավորում․․․»: