Ոստիկանությունն այսուհետ ավելի խիստ պետք է լինի այս փառատոնի օրերին․ ցանկացած տգեղ պահվածքով էլեմենտի առանց «բազառ-վակզալի» և մարդկանց հանգիստը խաթարելու ոլորեք, տարեք բաժանմունք, վարչական տույժեր թող մուծի․ Գոհար Հայրապետյան

Լրագրող Գոհար Հայրապետյանն իր ֆեյսբուքյան էջում գրել է․

««Երևանի գինու օրեր» ժամանակ ծեծկռտուքին մասնակից ոստիկանի ծառայողական լիազորություններն արդեն իսկ ժամանակավորապես դադարեցվել են։ [ՆԳՆ ոստիկանություն]
Մինչ ոստիկանների դեպքի վայր ժամանելը՝ ծեծկռտուք է տեղի ունեցել, որի ընթացքում դրա մասնակիցները հայհոյել են միմյանց՝ այնուհետեւ արդեն միջադեպը կանխող ոստիկաններին։

Գինու փառատոնն իրականացվում է ամեն տարի` 2017 թվականից ի վեր: 
Երևանի ամենակայացած, սիրված և սպասված փառատոններից է: 

Ամենահետաքրքիր մարդիկ, քաղաքի հյուրերը սիրով վայելում են գինին, միմյանց, Երևանը: Հարևան Վրաստանից անգամ տուրիստները հատուկ գալիս են Երևան՝ Գինու օրերի համար: Վրացիք նախանձից ճաքում էին:

«Քյառթու կոնտինգենտը» առանձնահատուկ հետաքրքրված չէր փառատոնով: 

Քյառթերի չգրված օրենքը՝ «Լավ տղեն էտ ղզիկ գինին չի խմում, լավ տղեն արաղա ծվցնում», երկար տարիներ օգնեց պահել փառատոնի աուրան, մթնոլորտը անաղարտ: 

Սակայն փառատոնի ճանաչում ձեռք բերելուն զուգահեռ «անուշ եղբայրները» սկսեցին հետաքրքրվել նոր սուբմշակույթով: «Գնանք դոդիկների վրա ղժանք, աղջիկ կպցնենք»: 

Սկզբում նրանք վախվորած մտան ասպարեզ՝ իրենց օտար զգալով յուրայինների այս տոնին: 

Իսկ այս տարի քրեական ենթամշակույթի էլեմենտներն արդեն իրենց տեր էին զգում: 

Ոստիկանությունն այսուհետ ավելի խիստ պետք է լինի այս փառատոնի օրերին: Բայց ՄԻՄԻԱՅՆ օրենքի սահմաններում: 
Ցանկացած տգեղ պահվածքով էլեմենտի առանց «բազառ-վակզալի» և մարդկանց հանգիստը խաթարելու ոլորեք տարեք բաժանմունք: 
Հայ ոստիկանների խնդիրն այն է, որ սկսում են «փողոցային, տղայական բազառ» անել, խփել: 
Կես բառ պատասխանեց, կես տոն բարձր խոսեց, ոլորեք տարեք բաժանմունք, վարչական տույժեր թող մուծի: 
Երբ գրպանին խփեք, ոչ թե գլխին, այլևս ոչ նման միջադեպեր կինեն, ոչ էլ սկանդալներ»:

Հիշեցնենք, որ Սարյան փողոցում քաղաքացու և ոստիկանի միջև միջադեպ է տեղի ունեցել։ Մինչ ոստիկանների դեպքի վայր ժամանելը՝ ծեծկռտուք է տեղի ունեցել, որի ընթացքում դրա մասնակիցները հայհոյել են միմյանց՝ այնուհետեւ արդեն միջադեպը կանխող ոստիկաններին։

Ավելի վաղ Ոստիկանությունը հաղորդագրություն էր տարածել, ըստ որի «Երևանի գինու օրեր» փառատոնի ժամանակ քաղաքացու և ոստիկանի միջև տեղի ունեցած միջադեպով վերջինիս լիազորությունները ժամանակավորապես դադարեցվել են։ 

Տեսանյութը կարող եք դիտել Civic.am-ի տելեգրամյան ալիքում՝ https://t.me/civicarmenia/18617