Էրբիլում Հայաստանի գլխավոր հյուպատոսություն է բացվել
Միջազգային
Երեկ Էրբիլում տեղի է ունեցել Հայաստանի գլխավոր հյուպատոսության բացման հանդիսավոր արարողությունը, հայտնում է Արտգործնախարարության լրատվության և հանրային դիվանագիտության վարչությունը։
Էրբիլում Հայաստանի գլխավոր հյուպատոս Արշակ Մանուկյանը ներկայացրել է դիվանագիտական ներկայացուցչության նպատակները և առաջիկա ծրագրերը: Գլխավոր հյուպատոսը նշել է, որ վերջին ամիսների ընթացքում Իրաքյան Քուրդիստանի գործընկերների հետ ակտիվ շփումների շնորհիվ արդեն իսկ ձևավորված է փոխադարձ հետաքրքրություն ներկայացնող օրակարգ, և դրա կյանքի կոչման ուղղությամբ ջանքեր գործադրելու պատրաստակամություն է հայտնել:
Արտգործնախարարի տեղակալ Արտակ Ապիտոնյանը նշել է, որ Հայաստանի և Իրաքյան Քուրդիստանի միջև դինամիկ զարգացող հարաբերությունների հիմքում են ընկած երկու ժողովուրդների պատմական ամուր կապերն ու բարեկամությունը:
«Այսօր, հիրավի, նշանակալից իրադարձություն է հայ-իրաքյան հարաբերությունների պատմության մեջ։ Հայաստանը մշտապես մեծ կարևորություն է տվել Իրաքի Հանրապետության հետ հարաբերությունների զարգացմանը, որի առհավատչյան Էրբիլում Հայաստանի Հանրապետության գլխավոր հյուպատոսության աշխատանքի մեկնարկն է: Հայերը պատմության տարբեր հանգրվաններում բնակություն են հաստատել այս երկրում, այդ թվում՝ Իրաքյան Քուրդիստանում, և արժանացել իշխանությունների բացառիկ բարյացկամ վերաբերմունքին։ Ուստի այսօր պատահական չէ, որ բազմահազարանոց հայ համայնքը շարունակում է ապրել այստեղ՝ իր նպաստը բերելով այն երկրի զարգացմանը, որի քաղաքացին է հանդիսանում», - նշել է Ապիտոնյանը:
Իրաքյան Քուրդիստանի կառավարության արտաքին հարաբերությունների դեպարտամենտի տնօրեն Սաֆին Դիզայեն բարձր է գնահատել Հայաստանի իշխանությունների՝ Էրբիլում գլխավոր հյուպատոսություն հիմնելու որոշումը և Իրաքյան Քուրդիստանի կառավարության անունից խոստացել լիակատար աջակցություն ցուցաբերել հյուպատոսության աշխատանքներին:
Ապիտոնյանը և Դիզայեն միասին հյուպատոսության վրա բարձրացրել են նախօրեին Էրբիլի հայկական եկեղեցում օծված Հայաստանի պետական դրոշը:
Միջոցառմանը մասնակցել են նաև Իրաքյան Քուրդիստանի տարածաշրջանային կառավարության անդամներ, խորհրդարանի անդամներ, հոգևոր առաջնորդներ, Իրաքում հավատարմագրված դիվանագիտական առաքելությունների ղեկավարներ, միջազգային կազմակերպությունների ներկայացուցիչներ և լրագրողներ:
Նույն օրը Հայաստանի արտգործնախարարի տեղակալը հանդիպել է Քուրդիստանի ժողովրդավարական կուսակցության նախագահ Մասուդ Բարզանիի հետ:
Բարզանին նշել է, որ հայ-քրդական պատմական առնչությունները գալիս են դարերի խորքից, և հենց այդ ամուր կապն է ընկած երկու ժողովուրդների բարեկամության հիմքում: ՔԺԿ նախագահը բարձր է գնահատել Հայաստանի իշխանությունների՝ Էրբիլում գլխավոր հյուպատոսության բացման որոշումը` ընդգծելով, որ դիվանագիտական առաքելությունը կհանդիսանա երկու բարեկամ ժողովուրդների միջև հարաբերությունների զարգացման խթան:
Զրուցակիցները մտքեր են փոխանակել տարածաշրջանային և միջազգային օրակարգի մի շարք հարցերի շուրջ:
Էրբիլում Հայաստանի գլխավոր հյուպատոս Արշակ Մանուկյանը ներկայացրել է դիվանագիտական ներկայացուցչության նպատակները և առաջիկա ծրագրերը: Գլխավոր հյուպատոսը նշել է, որ վերջին ամիսների ընթացքում Իրաքյան Քուրդիստանի գործընկերների հետ ակտիվ շփումների շնորհիվ արդեն իսկ ձևավորված է փոխադարձ հետաքրքրություն ներկայացնող օրակարգ, և դրա կյանքի կոչման ուղղությամբ ջանքեր գործադրելու պատրաստակամություն է հայտնել:
Արտգործնախարարի տեղակալ Արտակ Ապիտոնյանը նշել է, որ Հայաստանի և Իրաքյան Քուրդիստանի միջև դինամիկ զարգացող հարաբերությունների հիմքում են ընկած երկու ժողովուրդների պատմական ամուր կապերն ու բարեկամությունը:
«Այսօր, հիրավի, նշանակալից իրադարձություն է հայ-իրաքյան հարաբերությունների պատմության մեջ։ Հայաստանը մշտապես մեծ կարևորություն է տվել Իրաքի Հանրապետության հետ հարաբերությունների զարգացմանը, որի առհավատչյան Էրբիլում Հայաստանի Հանրապետության գլխավոր հյուպատոսության աշխատանքի մեկնարկն է: Հայերը պատմության տարբեր հանգրվաններում բնակություն են հաստատել այս երկրում, այդ թվում՝ Իրաքյան Քուրդիստանում, և արժանացել իշխանությունների բացառիկ բարյացկամ վերաբերմունքին։ Ուստի այսօր պատահական չէ, որ բազմահազարանոց հայ համայնքը շարունակում է ապրել այստեղ՝ իր նպաստը բերելով այն երկրի զարգացմանը, որի քաղաքացին է հանդիսանում», - նշել է Ապիտոնյանը:
Իրաքյան Քուրդիստանի կառավարության արտաքին հարաբերությունների դեպարտամենտի տնօրեն Սաֆին Դիզայեն բարձր է գնահատել Հայաստանի իշխանությունների՝ Էրբիլում գլխավոր հյուպատոսություն հիմնելու որոշումը և Իրաքյան Քուրդիստանի կառավարության անունից խոստացել լիակատար աջակցություն ցուցաբերել հյուպատոսության աշխատանքներին:
Ապիտոնյանը և Դիզայեն միասին հյուպատոսության վրա բարձրացրել են նախօրեին Էրբիլի հայկական եկեղեցում օծված Հայաստանի պետական դրոշը:
Միջոցառմանը մասնակցել են նաև Իրաքյան Քուրդիստանի տարածաշրջանային կառավարության անդամներ, խորհրդարանի անդամներ, հոգևոր առաջնորդներ, Իրաքում հավատարմագրված դիվանագիտական առաքելությունների ղեկավարներ, միջազգային կազմակերպությունների ներկայացուցիչներ և լրագրողներ:
Նույն օրը Հայաստանի արտգործնախարարի տեղակալը հանդիպել է Քուրդիստանի ժողովրդավարական կուսակցության նախագահ Մասուդ Բարզանիի հետ:
Բարզանին նշել է, որ հայ-քրդական պատմական առնչությունները գալիս են դարերի խորքից, և հենց այդ ամուր կապն է ընկած երկու ժողովուրդների բարեկամության հիմքում: ՔԺԿ նախագահը բարձր է գնահատել Հայաստանի իշխանությունների՝ Էրբիլում գլխավոր հյուպատոսության բացման որոշումը` ընդգծելով, որ դիվանագիտական առաքելությունը կհանդիսանա երկու բարեկամ ժողովուրդների միջև հարաբերությունների զարգացման խթան:
Զրուցակիցները մտքեր են փոխանակել տարածաշրջանային և միջազգային օրակարգի մի շարք հարցերի շուրջ:
Կարդացեք նաև
24 փետրվար 2021, 22:24
ՀՀ ԱԳՆ-ն՝ Էրբիլում ՀՀ գլխավոր հյուպատոսության բացման մասին
23 փետրվար 2021, 16:33
Բաղդադում տեղի են ունեցել խորհրդակցություններ Հայաստանի և Իրաքի ԱԳ նախարարությունների միջև
24 փետրվար 2021, 15:11
Հայաստանի և Վրաստանի միջև առկա ամուր բարեկամությունը հիմնված է մեր ժողովուրդների միջև խոր հարգանքի և վստահության վրա․ Փաշինյանը շնորհավորել է Վրաստանի նորանշանակ վարչապետին
10 փետրվար 2021, 20:43
Իրաքի հյուսիսում թեժ մարտեր են թուրք ուժայինների և քուրդ զինյալների միջև
23 փետրվար 2021, 19:10
Փոխվարչապետ Ավինյանը ուղերձ է հղել Ճապոնիայի ազգային տոնի կապակցությամբ
16 փետրվար 2021, 17:14
Հրթիռային հարձակում Իրաքի հյուսիսում ԱՄՆ գլխավորած կոալիցիոն ուժերի վրա