Քաղաքացիակենտրոն
լրատվություն

ՀԱՊԿ շրջանակներում կստեղծվի ռազմական ոստիկանության և դատախազության համագործակցության մեխանիզմ

ՀԱՊԿ շրջանակներում կստեղծվի ռազմական ոստիկանության և դատախազության համագործակցության մեխանիզմ
Միջազգային
14:48, 16 сентябрь 2021
ՀԱՊԿ երկրների ղեկավարները Դուշանբեում Հավաքական անվտանգության խորհրդի նիստի ժամանակ ստորագրել են համաձայնագիր, որի համաձայն՝ կազմակերպության ներսում ստեղծվելու է իրավազորության համագործակցության մեխանիզմ: Այս մասին ասված է  հինգշաբթի ՀԱՊԿ պաշտոնական կայքում   հրապարակված հաղորդագրության մեջ: 

«Նախագահները իրավասության և իրավական աջակցության մասին համաձայնագիր են ստորագրել՝ կապված Հավաքական անվտանգության պայմանագրի կազմակերպության անդամ երկրների տարածքներում հավաքական անվտանգության ուժերի և միջոցների ժամանակավոր տեղակայման հետ»,- ասվում է ուղերձում:

Սա  ՀԱՊԿ անդամ պետությունների միջև կստեղծի իրավասու մարմինների համագործակցության մեխանիզմ. ռազմական ոստիկանություն, ռազմական հետաքննություն, ռազմական դատախազություն, ռազմական դատարաններ քրեական և վարչական գործերով՝ ընդդեմ այն անձանց, ովքեր ներառված են հավաքական անվտանգության  ուժերի և միջոցների համակարգում:

Բացի դրանից, երկրների ղեկավարները հավանություն են տվել խաղաղապահության հարցերով ՀԱՊԿ գլխավոր քարտուղարի հատուկ ներկայացուցչի ինստիտուտի ստեղծմանը: