Ադրբեջանում մոտ 100 կանանց նկատմամբ կկիրառվի համաներման օրենքը

Միջազգային

16:16, 05 ноябрь 2021

Ադրբեջանի խորհրդարանն այսօրվա նիստում համաներում հայտարարելու մասին որոշում ընդունեց։ Միլի մեջլիսի փոխնախագահ Ալի Հուսեյնլիի ասելով՝ այն կտարածվի շուրջ 16-17 հազար դատապարտյալների վրա, որոնցից 3 հազարը կարող են ազատ արձակվել։

Համաներում ընդունելու նախաձեռնությամբ հանդես էր եկել երկրի ղեկավար Իլհամ Ալիևը՝ Ղարաբաղյան պատերազմում հաղթանակի առաջին տարին լրանալու կապակցությամբ, որն Ադրբեջանը պատրաստվում է նշել նոյեմբերի 8-ին, հայտնում է APA գործակալությունը։

Նշվում է, որ համաներման ակտը կկիրառվի մոտ 100 կնոջ նկատմամբ։