Էրդողանը կայցելի Իրան, կստորագրվի երկկողմ համագործակցության ճանապարհային քարտեզ
Միջազգային
Իրանի արտգործնախարար Ամիր Աբդոլլահիանն այսօր հայտնել է, որ Թուրքիայի նախագահ Ռեջեփ Թայիփ Էրդողանը մոտ ապագայում կմեկնի Իրան, հայտնում է Iran Front Page-ը։
Այսօր Թեհրանում Թուրքիայի ԱԳ նախարարի հետ համատեղ մամուլի ասուլիսում Աբդոլլահիանը հավելել է, որ Էրդողանի այցի ընթացքում Թեհրանն ու Անկարան կստորագրեն Թեհրան-Անկարա համագործակցության ճանապարհային քարտեզ։
Նա նաև նշել է, որ Չավուշօղլուի հետ Թեհրանում «լավ» բանակցություններ են վարել՝ տարածաշրջանային և միջազգային տարբեր հարցերի շուրջ։ Իրան-Թուրքիա հարաբերությունները որակելով պատմական և բարեկամական՝ նա հավելել է, որ Թեհրանն ու Անկարան ավելի կընդլայնեն իրենց կապերը, երբ առաջ գնան նրանց զարգացման ճանապարհով։
Իրանի ԱԳ նախարարը ասել է, որ Իրանին և Թուրքիային հաջողվել է ոչ միայն պահպանել երկու երկրների միջև առևտրաշրջանառությունը՝ Covid19-ի համավարակի պայմաններում, այլև ընդլայնել այն։
Թուրքիայի ԱԳ նախարար Չավուշօղլուն, անդրադառնալով Իրանի դեմ ԱՄՆ պատժամիջոցներին, «ճնշող» է որակել այն։ Նա կոչ է արել ԱՄՆ-ին վերադառնալ Իրանի միջուկային գործարքին, վերացնել պատժամիջոցները, և հույս է հայտնել, որ Վիեննայի բանակցությունները լավ արդյունքներ կտան։
Թուրքիայի արտգործնախարարն Իրանը բնութագրել է որպես Թուրքիայի բարեկամ՝ մեջբերելով իրանցի հայտնի բանաստեղծ Սոհրաբ Սեփեհրիի «Որտե՞ղ է ընկերոջ տունը» բանաստեղծությունը. «Ես Իրանը միշտ տեսել եմ որպես ընկերոջ տուն»։
Սյուզի Սիրականյան
Այսօր Թեհրանում Թուրքիայի ԱԳ նախարարի հետ համատեղ մամուլի ասուլիսում Աբդոլլահիանը հավելել է, որ Էրդողանի այցի ընթացքում Թեհրանն ու Անկարան կստորագրեն Թեհրան-Անկարա համագործակցության ճանապարհային քարտեզ։
Նա նաև նշել է, որ Չավուշօղլուի հետ Թեհրանում «լավ» բանակցություններ են վարել՝ տարածաշրջանային և միջազգային տարբեր հարցերի շուրջ։ Իրան-Թուրքիա հարաբերությունները որակելով պատմական և բարեկամական՝ նա հավելել է, որ Թեհրանն ու Անկարան ավելի կընդլայնեն իրենց կապերը, երբ առաջ գնան նրանց զարգացման ճանապարհով։
Իրանի ԱԳ նախարարը ասել է, որ Իրանին և Թուրքիային հաջողվել է ոչ միայն պահպանել երկու երկրների միջև առևտրաշրջանառությունը՝ Covid19-ի համավարակի պայմաններում, այլև ընդլայնել այն։
Թուրքիայի ԱԳ նախարար Չավուշօղլուն, անդրադառնալով Իրանի դեմ ԱՄՆ պատժամիջոցներին, «ճնշող» է որակել այն։ Նա կոչ է արել ԱՄՆ-ին վերադառնալ Իրանի միջուկային գործարքին, վերացնել պատժամիջոցները, և հույս է հայտնել, որ Վիեննայի բանակցությունները լավ արդյունքներ կտան։
Թուրքիայի արտգործնախարարն Իրանը բնութագրել է որպես Թուրքիայի բարեկամ՝ մեջբերելով իրանցի հայտնի բանաստեղծ Սոհրաբ Սեփեհրիի «Որտե՞ղ է ընկերոջ տունը» բանաստեղծությունը. «Ես Իրանը միշտ տեսել եմ որպես ընկերոջ տուն»։
Սյուզի Սիրականյան