Բայդենը Զելենսկիի հետ զրույցում վերահաստատել է Վաշինգտոնի անսասան աջակցությունը Կիևին

Միացյալ Նահանգների նախագահ Ջո Բայդենը երեկ Ուկրաինայի նախագահ Վլադիմիր Զելենսկիին ասել է, որ ԱՄՆ-ը և դաշնակիցները «վճռական պատասխան կտան», եթե Ռուսաստանը շարունակի ներխուժել Ուկրաինա։ Այս մասին ասվում է Սպիտակ տան հայտարարությունում, որը հրապարակել է մամուլի քարտուղար Ջեն Սաքին։

Հեռախոսազրույցում Վլադիմիր Զելենսկին երախտագիտություն է հայտնել ԱՄՆ նախագահին անսասան աջակցության համար։

Ուկրաինայի նախագահը Twitter-ում գրել է, որ քննարկվել են Եվրոպայում խաղաղության պահպանմանն ու հակամարտության հետագա սրումը կանխելուն ուղղված ընդհանուր գործողությունները։

Թարգմանությունը՝ .azatutyun.am