Պուտինն ու Ալիևը հեռախոսով քննարկել են Ուկրաինայում ռազմական գործողության ընթացքը

Ռուսաստանի եւ Ադրբեջանի նախագահներ Վլադիմիր Պուտինն ու Իլհամ Ալիևը հեռախոսազրույց են ունեցել: Ի թիվս այլ հարցերի, հեռախոսազրույցի ընթացքում քննարկվել է Ուկրաինայում ռուսական հատուկ ռազմական գործողության հետ կապված իրավիճակի զարգացումը։

Այս մասին հայտնում է Կրեմլի մամուլի ծառայությունը:

«Քննարկվել է իրավիճակի զարգացումը՝ կապված Ուկրաինայում Ռուսաստանի կողմից հատուկ ռազմական գործողության անցկացման հետ», - ասված է հաղորդագրության մեջ։

Հիշեցնենք, այս հեռախոսազրույցից առաջ Ալիևը ևս մեկ հեռախոսային խոսակցություն էր ունեցել, այս անգամ՝ Ուկրաինայի նախագահ Զելենսկիի հետ:

Վերջինիս փոխանցմամբ, ադրբեջանական կողմն Ուկրաինային մարդասիրական օգնություն ու դեղորայք է տրամադրել: