Ուկրաինայում պատերազմում 205 երեխա է զոհվել, 362-ը՝ վիրավորվել. դատախազություն

Միջազգային

17:35, 18 апрель 2022

Ուկրաինա ռուսական ներխուժման սկզբից՝ փետրվարի 24-ից ի վեր երկրում 205 երեխա է զոհվել, ևս 362-ը՝ վիրավորվել, հայտնում է Ուկրաինայի գլխավոր դատախազությունը։

«Սրանք վերջնական թվեր չեն, քանի որ աշխատանքներ են տարվում ակտիվ ռազմական գործողությունների վայրերում, ժամանակավորապես օկուպացված և ազատագրված տարածքներում դրանք հաստատելու ուղղությամբ», - ասվում է հաղորդագրությունում։
Պաշտոնական տվյալներով՝ ամենաշատ երեխաներ տուժել են Դոնեցկի, Կիևի և Խարկովի մարզերում:

Ռուսաստանի զինված ուժերի կողմից ռմբակոծությունների ու հրետակոծությունների պատճառով Ուկրաինայում վնասվել է 1018 ուսումնական հաստատություն, որոնցից 95-ն ամբողջությամբ ավերվել է։

Աղբյուրը՝ azatutyun.am