Մի խումբ դեմոկրատ կոնգրեսականներ Բայդենին կոչ են արել ուղիղ բանակցություններ սկսել Ռուսաստանի հետ

ԱՄՆ Կոնգրեսի՝ Դեմոկրատական կուսակցությունից 30 անդամներ նամակ են հղել նախագահ Ջո Բայդենին, որում նրան կոչ են արել ուղիղ բանակցություններ սկսել Ռուսաստանի հետ, ինչը կարող է հանգեցնել պատերազմի ավարտի։

Ինչպես գրում է The Washington Post-ը, նամակը պատրաստվել է մի խումբ լիբերալ դեմոկրատ կոնգրեսականների կողմից՝ Պրամիլա Ջայապալայի գլխավորությամբ, որը ներկայացվում է Վաշինգտոնի խորհրդարանի ստորին պալատում։

 Դիմումի հեղինակները կարծում են, որ Բայդենը, շարունակելով ռազմական և ֆինանսական աննախադեպ օգնություն ցուցաբերել Ուկրաինային, պետք է ուղիղ բանակցություններ սկսի Ռուսաստանի հետ, որպեսզի գտնի «հրադադարի իրատեսական շրջանակ»։

Դիվանագիտական լուծման այլընտրանքը, ընդգծել են նրանք, «ձգձգվող պատերազմն է»՝ «աղետալի ու աներևակայելի ռիսկերով»։

 Ինչպես նշում է The Washington Post-ը, սա առաջին դեպքն է, երբ Բայդենին Դեմոկրատական կուսակցությունից նրա մի խումբ համախոհներ կոչ են անում կտրուկ փոխել քաղաքականությունը ուկրաինական պատերազմի վերաբերյալ։

 Սպիտակ տանը և ԱՄՆ պետդեպարտամենտը, մեկնաբանելով կոնգրեսականների կոչը, հասկացրել են, որ Ջո Բայդենը, ինչպես նախկինում, չի պաշտպանում Ռուսաստանի հետ ուղիղ բանակցությունների գաղափարը։