Մենք Ադրբեջանին զգուշացրել ենք Իսրայելի ներկայության և ազդեցության հետևանքների մասին. Ադրբեջանում Իրանի դեսպան

Բանակցություններում, որը մենք վարում ենք հարևան և բարեկամ Ադրբեջանի իշխանությունների հետ, մենք հստակ զգուշացրել ենք սիոնիստական ռեժիմի ներկայության և ազդեցության հետևանքների մասին՝ տնտեսական և մշակութային համագործակցության տեսքով, և ասել ենք, որ սիոնիստական ռեժիմը երբեք չի եղել և չի լինի մուսուլմանական երկրների կառավարությունների բարեկամը, իսկ իսլամական երկրների հետ հարաբերությունների ամրապնդումն ու նորմալացումը այդ ռեժիմի հատուկ նախագիծն է՝ մուսուլմանական երկրների միջև պառակտում ստեղծելու համար։

Այս մասին իրանական լրատվամիջոցներին հայտնել է Ադրբեջանում Իրանի դեսպան Սեյեդ Աբբաս Մուսավին։

«Իրանը շահագրգռված չէ, որ հարևան երկրները դառնան մի վայր, որտեղ Իրանը հաշիվներ է մաքրում սիոնիստական ռեժիմի հետ։ Բայց եթե Իսրայելը կարծում է, որ, մերձենալով Իրանի հարևանների հետ, կարող է անդունդ ստեղծել հարևան մուսուլմանական երկրների միջև և իր ներկայությամբ սպառնալ Իրանին, ապա պետք է իմանա, որ նա սխալ տեղ է ընտրել դրա համար և անպայման կզղջա»,- հայտարարել է դեսպանը: