Քաղաքացիակենտրոն
լրատվություն

«Ադրբեջանի ղեկավարությունը պետք է զգուշանա ԴԱԻՇ-ի և սիոնիստների համատեղ դավադրությունից». իրանցի պատգամավորը դիմել է Ադրբեջանի իշխանություններին

«Ադրբեջանի ղեկավարությունը պետք է զգուշանա ԴԱԻՇ-ի և սիոնիստների համատեղ դավադրությունից». իրանցի պատգամավորը դիմել է Ադրբեջանի իշխանություններին
Միջազգային
14:15, 30 январь 2023
Իրանցի պատգամավորը Բաքվին կոչ է արել զերծ մնալ Իրանի հասցեին կտրուկ հայտարարություններից։

Իրանի Իսլամական Հանրապետության Մեջլիսում Արաքս, Խանդաբ և Քամիջան քաղաքների ներկայացուցիչ և ներքին գործերի հարցերով խորհրդարանական կոմիտեի նախագահի տեղակալ Մոհամմեդ Հասան Ասաֆարին իր Թվիթերում Բաքուն անվանել է Իրանի որդի: 

«Պատմությունը վկայում է իրանցի և ադրբեջանցի ժողովուրդների միմյանց հանդեպ սիրո մասին, իսկ Բաքուն Իրանի որդին է։ Ադրբեջանի ղեկավարությունը պետք է զգուշանա ԴԱԻՇ-ի և սիոնիստների համատեղ դավադրությունից: Մենք ադրբեջանական ժողովրդի հետ նույն ճակատում ենք: Մեկ անձի անձնական խնդիրը ահաբեկչություն չէ: Այնպես արտահայտվեք, որ հետո չամաչեք»։