ԵԱՀԿ ՄԽ-ն պատրաստ է աջակցել հայ-ադրբեջանական սահմանի դելիմիտացիայի ու դեմարկացիայի շուրջ բանակցություններ սկսելու գործընթացին
Միջազգային
ԵԱՀԿ Մինսկի խմբի համանախագահները (Ռուսաստանի Դաշնությունից՝ Իգոր Պոպովը, Ֆրանսիայից՝ Ստեֆան Վիսկոնտին և Ամերիկայի Միացյալ Նահանգներից՝ Էնդրյու Շոֆերը) հայտարարություն են տարածել՝ անդրադառնալով մայիսի 27-ին վեց հայ զինծառայողների գերեվարմանը։ Հայտարարությունը ներկայացնում ենք ստորև․
«Համանախագահները մայիսի 27-ին և 28-ին խորհրդակցություններ են անցկացրել Կարմիր խաչի միջազգային կոմիտեի նախագահ Փիթեր Մաուրերի և ՄԱԿ-ի փախստականների հարցերով գերագույն հանձնակատար Ֆիլիպո Գրանդիի հետ: Հանդիպումներին մասնակցում էր նաև ԵԱՀԿ գրասենյակի նախագահի անձնական ներկայացուցիչ Անջեյ Կասպրշիկը։ Համանախագահներն անդրադարձել են մայիսի 27-ին վեց հայ զինծառայողների ձերբակալված լինելու մասին հաղորդագրություններին և կոչ են անում ազատ արձակել բոլոր ռազմագերիներին և մյուս կալանավորվածներին՝ «բոլորը՝ բոլորի դիմաց» սկզբունքով:
Համանախագահներն ընդգծում են միջազգային մարդասիրական օրենսդրությանը համապատասխան կալանավորված անձանց հետ վարվելու պարտավորությունը: Համանախագահները վճռականորեն կոչ են անում անհապաղ վերացնել Լեռնային Ղարաբաղ մարդասիրական օգնության հասանելության բոլոր սահմանափակումները, և կողմերին կոչ են անում ամբողջությամբ կատարել նոյեմբերի 9-ի հրադադարի համաձայնագրով ստանձնած պարտավորությունները:
Համանախագահները նաև մտահոգությամբ նշում են Հայաստան-Ադրբեջան սահմանի ոչ գծանշված հատվածում տեղի ունեցած միջադեպերի վերաբերյալ վերջին մի քանի հաղորդագրությունները:Սահմանային վեճերը լուծելու համար ուժի գործադրումը կամ սպառնալիքն անընդունելի են: Մենք երկու կողմերին կոչ ենք անում անհապաղ քայլեր ձեռնարկել, ներառյալ զորքերի վերատեղակայումը, իրավիճակը լիցքաթափելու և խաղաղ ճանապարհով սահմանի դելիմիտացիայի ու դեմարկացիայի շուրջ բանակցությունները սկսելու համար: Համանախագահները պատրաստ են աջակցել այս գործընթացին:
Հաշվի առնելով ԵԱՀԿ-ի իրենց մանդատի դրույթները և տարածաշրջանի բոլոր բնակիչների ձգտումները դեպի կայուն, խաղաղ և բարեկեցիկ ապագա ՝ համանախագահները կրկին կոչ են անում կողմերին առաջին իսկ հնարավորության դեպքում վերամիավորվել իրենց հովանու ներքո»,- ասված է ԵԱՀԿ հայտարարության մեջ:
«Համանախագահները մայիսի 27-ին և 28-ին խորհրդակցություններ են անցկացրել Կարմիր խաչի միջազգային կոմիտեի նախագահ Փիթեր Մաուրերի և ՄԱԿ-ի փախստականների հարցերով գերագույն հանձնակատար Ֆիլիպո Գրանդիի հետ: Հանդիպումներին մասնակցում էր նաև ԵԱՀԿ գրասենյակի նախագահի անձնական ներկայացուցիչ Անջեյ Կասպրշիկը։ Համանախագահներն անդրադարձել են մայիսի 27-ին վեց հայ զինծառայողների ձերբակալված լինելու մասին հաղորդագրություններին և կոչ են անում ազատ արձակել բոլոր ռազմագերիներին և մյուս կալանավորվածներին՝ «բոլորը՝ բոլորի դիմաց» սկզբունքով:
Համանախագահներն ընդգծում են միջազգային մարդասիրական օրենսդրությանը համապատասխան կալանավորված անձանց հետ վարվելու պարտավորությունը: Համանախագահները վճռականորեն կոչ են անում անհապաղ վերացնել Լեռնային Ղարաբաղ մարդասիրական օգնության հասանելության բոլոր սահմանափակումները, և կողմերին կոչ են անում ամբողջությամբ կատարել նոյեմբերի 9-ի հրադադարի համաձայնագրով ստանձնած պարտավորությունները:
Համանախագահները նաև մտահոգությամբ նշում են Հայաստան-Ադրբեջան սահմանի ոչ գծանշված հատվածում տեղի ունեցած միջադեպերի վերաբերյալ վերջին մի քանի հաղորդագրությունները:Սահմանային վեճերը լուծելու համար ուժի գործադրումը կամ սպառնալիքն անընդունելի են: Մենք երկու կողմերին կոչ ենք անում անհապաղ քայլեր ձեռնարկել, ներառյալ զորքերի վերատեղակայումը, իրավիճակը լիցքաթափելու և խաղաղ ճանապարհով սահմանի դելիմիտացիայի ու դեմարկացիայի շուրջ բանակցությունները սկսելու համար: Համանախագահները պատրաստ են աջակցել այս գործընթացին:
Հաշվի առնելով ԵԱՀԿ-ի իրենց մանդատի դրույթները և տարածաշրջանի բոլոր բնակիչների ձգտումները դեպի կայուն, խաղաղ և բարեկեցիկ ապագա ՝ համանախագահները կրկին կոչ են անում կողմերին առաջին իսկ հնարավորության դեպքում վերամիավորվել իրենց հովանու ներքո»,- ասված է ԵԱՀԿ հայտարարության մեջ:
Կարդացեք նաև
16 փետրվար 2021, 21:41
ԵԱԿՀ համանախագահները խոսել են Ադրբեջանի և Հայաստանի արտգործնախարարների հետ
7 մայիս 2021, 12:26
Ֆրանսիան կոչ է անում անհապաղ ազատ արձակել Ադրբեջանում պահվող հայ գերիներին
5 մայիս 2021, 23:27
ԵԱՀԿ ՄԽ համանախագահները դարձյալ կոչ են արել վերադարձնել բոլոր գերիներին
14 ապրիլ 2021, 10:45
Մինսկի խմբի համանախագահների հայտարարությունը
27 մայիս 2021, 23:29
Կոչ ենք անում Ադրբեջանին իր ուժերը տեղափոխել մայիսի 11-ին իրենց դիրքերը․ ԱՄՆ-ը պատրաստ է օժանդակել Հայաստանի և Ադրբեջանի միջև սահմանազատման գործընթացին
10 ապրիլ 2021, 17:11
Հայ ռազմագերիներին ազատ արձակելու կոչով բաց նամակ՝ ԵԱՀԿ Մինսկի խմբի համանախագահներին