Ովքեր ցանկանում են հեռանալ ԼՂ-ից և վերադառնալ ԼՂ, պետք է տրամադրվի անվտանգ անցում՝ չեզոք, անկախ երրորդ կողմի դիտարկմամբ. Միլլեր

ԱՄՆ պետդեպարտամենտի պաշտոնական ներկայացուցիչ Մեթյու Միլլերը, մեկնաբանելով Ադրբեջանի վերջին հարձակումը Լեռնային Ղարաբաղի վրա, նշել է, որ ամենակարևորը նախ՝ այժմ գոյություն ունեցող հրադադարի ռեժիմի պահպանումն է և հետագա ռազմական գործողությունների բացակայությունը, երկրորդ՝ ԼՂ ժողովրդի հումանիտար կարիքների բավարարումը, և երրորդ՝ Հայաստանն ու Ադրբեջանը պետք է հասնեն տևական խաղաղության: 

Ինչ վերաբերում է ԼՂ-ում հումանիտար իրավիճակին, Միլլերն ասել է, որ ԼՂ-ում էթնիկ հայերը պետք է հնարավորություն ունենան մնալու իրենց տներում և ապրելու խաղաղ, անվտանգ ու արժանապատիվ կյանքով, և պետք է հարգվեն նրանց իրավունքները. «Նրանց, ովքեր ցանկանում են հեռանալ (ԼՂ-ից) և վերադառնալ (ԼՂ), պետք է տրամադրվի անվտանգ անցում՝ չեզոք, անկախ երրորդ կողմի դիտարկմամբ: Եվ Ադրբեջանը պատասխանատվություն է կրում խաղաղ բնակիչներին պաշտպանելու և բոլորի նկատմամբ մարդասիրական վերաբերմունք ապահովելու հարցում, այդ թվում նաև նրանց, որոնց կասկածում են մարտիկներ լինելու մեջ»:

Միլլերը նշել է նաև, որ Ռուսաստանը անվտանգության ոլորտում գործընկեր չէ, որի վրա կարելի է հույս դնել:'

@bagramyan26