Քաղաքացիակենտրոն
լրատվություն

Այսուհետ Ստեփանակերտ քաղաքի բնակիչները կարողանալու են օգտվել անհատույց պետական ֆինանսական աջակցության ծրագրից․ Արայիկ Հարությունյան

Այսուհետ Ստեփանակերտ քաղաքի բնակիչները կարողանալու են օգտվել անհատույց պետական ֆինանսական աջակցության ծրագրից․ Արայիկ Հարությունյան
Հասարակություն
15:50, 19 июль 2021
Արցախի նախագահ Արայիկ Հարությունյանն իր ֆեյսբուքյան էջում գրել է․

«Սիրելի՛ հայրենակիցներ, 

Այսօր հաստատել եմ Կառավարության որոշում, համաձայն որի՝ այսուհետ Արցախի Հանրապետության գյուղական կամ քաղաքային բնակավայրերում մշտապես բնակվող երիտասարդ ընտանիքներին բնակելի տներ կառուցելու նպատակով անհատույց պետական ֆինանսական աջակցության տրամադրման ծրագրից կարողանալու են օգտվել նաև Ստեփանակերտ քաղաքի բնակիչները:
 
Սահմանված կարգով՝ բնակելի տան կառուցման համար պետությունը տրամադրելու է մինչև հինգ միլիոն ՀՀ դրամ անհատույց ֆինանսական աջակցություն։ 

Պետական ֆինանսական աջակցություն ապահովող մարմինը Արցախի Հանրապետության տարածքային կառավարման և ենթակառուցվածքների նախարարությունն է, որը հուլիսի 20-ից սկսում է հայտերի ընդունման գործընթացը»։