30 միլիարդ դրամի ներդրում Արագածոտնի մարզի Ապարան համայնքում՝ լեռնադահուկային համալիր կառուցելու համար. Վահան Քերոբյան
Հասարակություն
Արագածոտնի մարզի Ապարան համայնքում 2080 հեկտար տարածքի վրա «Մայլեր» ներդրումային ընկերությունը նպատակ ունի կառուցելու լեռնադահուկային համալիր: Այսօր՝ հուլիսի 29-ին, կառավարության նիստում հայտարարեց էկոնոմիկայի նախարարի պաշտոնակատար Վահան Քերոբյանը:
«Այս նպատակով առաջարկվում է անել առնվազն 30 միլիարդ դրամի ներդրում, որից 15 մլրդ-ը կներդնի «Մայլեր»-ը, և ևս 15 մլրդ կներդնի այլ մասնավոր ընկերություն: Ծրագրի իրագործման շրջանում, որը տևելու է 2 տարի, կստեղծվի մոտ 250 աշխատատեղ, իսկ ծրագրի մեկնարկից հետո՝ 1500 մշտական աշխատատեղ»,- նշեց Վահան Քերոբյանը և հավելեց, որ համալիրը տարեկան կսպասարկի 500 հազար տուրիստի:
Նրա խոսքով՝ այն պետք է տարածաշրջանում լինի մրցունակ և լրացուցիչ տուրիստական հոսքեր ներգրավի Ռուսաստանից, Իրանից և Եվրոպայից:
«Այս ծրագիրը Հայաստանի ՀՆԱ-ն ավելացնելու է 0.2 տոկոսով, և դա լինելու է կայուն տնտեսական աճ»,- հավելեց էկոնոմիկայի նախարարի պաշտոնակատարը:
«Այս նպատակով առաջարկվում է անել առնվազն 30 միլիարդ դրամի ներդրում, որից 15 մլրդ-ը կներդնի «Մայլեր»-ը, և ևս 15 մլրդ կներդնի այլ մասնավոր ընկերություն: Ծրագրի իրագործման շրջանում, որը տևելու է 2 տարի, կստեղծվի մոտ 250 աշխատատեղ, իսկ ծրագրի մեկնարկից հետո՝ 1500 մշտական աշխատատեղ»,- նշեց Վահան Քերոբյանը և հավելեց, որ համալիրը տարեկան կսպասարկի 500 հազար տուրիստի:
Նրա խոսքով՝ այն պետք է տարածաշրջանում լինի մրցունակ և լրացուցիչ տուրիստական հոսքեր ներգրավի Ռուսաստանից, Իրանից և Եվրոպայից:
«Այս ծրագիրը Հայաստանի ՀՆԱ-ն ավելացնելու է 0.2 տոկոսով, և դա լինելու է կայուն տնտեսական աճ»,- հավելեց էկոնոմիկայի նախարարի պաշտոնակատարը: