Քաղաքացիակենտրոն
լրատվություն

Այս պահին 22 և 28 տարեկան վարակակիրներ վերակենդանացման բաժանմունքում են. ահազանգում է Անահիտ Ավանեսյանը

Այս պահին 22 և 28 տարեկան վարակակիրներ վերակենդանացման բաժանմունքում են. ահազանգում է Անահիտ Ավանեսյանը
Հասարակություն
13:16, 21 август 2021
COVID-19-ը երիտասարդացել է. hիվանդությունը ձեռք է բերել զարգացման ավելի արագ տեմպ: Այս մասին ահազանգում է Առողջապահության նախարար Անահիտ Ավանեսյանը:

«Հիվանդության երիտասարդացման միտում կա:
Այս պահին Սուրբ Գրիգոր Լուսավորիչ հիվանդանոցի վերակենդանացման բաժանմունքում է գտնվում COVID-19 դրական ախտորոշմամբ 2 պացիենտ` 22 և 28 տարեկան:

Նրանք միացված են թոքերի արհեստական օդափոխության սարքին:
Պացիենտների վիճակը գնահատվում է ծայրահեղ ծանր:
Վիճակագրությունը ցույց է տալիս, որ ամբողջ աշխարհում COVID-19-ի հետևանքով 50-ից ցածր տարիքի անձանց, այդ թվում` երեխաների շրջանում, հիվանդության ծանր ընթացքի և հոսպիտալացման ցուցանիշը կտրուկ աճել է»- հայտնել է Ավանեսյանը: