Քաղաքացիակենտրոն
լրատվություն

Տրանսպորտի գինը շատ կարևոր սոցիալական հարց է. սուբսիդիան տալու ենք այն խմբերին, որոնք դրա կարիքն ունեն. Տիգրան Ավինյան

Տրանսպորտի գինը շատ կարևոր սոցիալական հարց է. սուբսիդիան տալու ենք այն խմբերին, որոնք դրա կարիքն ունեն. Տիգրան Ավինյան
Հասարակություն
15:30, 13 февраль 2024
«Տրանսպորտի գնի հարցը միայն ֆինանսական հարց չէ, այլև շատ կարևոր սոցիալական հարց: Այս բոլոր հարցերին զուգահեռ պետք է քննարկենք նաև այն բոլոր խմբերի հարցերը, որոնք նույնիսկ այս գնային պայմաններում ունեն տրանսպորտից օգտվելու դժվարություններ»,- այսօր Երևանի քաղաքապետարանի ավագանու հերթական նիստում հայտարարեց քաղաքապետ Տիգրան Ավինյանը:

Նրա խոսքով՝ սոցիալական այդ խմբերը պետք է ընտրվեն թիրախային, «որպեսզի մենք մեր կողմից սուբսիդիան տանք այն խմբերին, որոնք դրա կարիքն ունեն, և չտանք մարդկանց, ովքեր դրա կարիքը չունեն. 700-800 հազար դրամ աշխատավարձ ստացող մարդն ասում է՝ ինձ ինչ փաթեթ կառաջարկեք, ես քիչ եմ տրանսպորտից օգտվում: Դե կներեք, էլի. ոչ մի, դուք թիրախային խումբ չեք, ֆինանսական, սոցիալական խնդիր չունեք և կարող եք ձեզ թույլ տալ ամբողջ ծավալով վճարել տրանսպորտի համար»:

Դիմելով երևանցիներին՝ քաղաքապետն ասաց. «Դժվար շրջափուլ անցանք, սա այդ շրջափուլի վերջին և ամենակարևոր հարցն է: Եվ կարծում եմ՝ այս շրջափուլից հետո մենք շատ ավելի լավ հարցեր ենք քննարկելու, քիչ քննադատության տեղ ունեցող»: