Երևանի քաղաքապետարանը քննարկում է՝ կա՞ն հիմքեր «Ֆիզգորոդոկում» կառուցված շինությունը կասեցնելու համար․ քաղաքապետ
Հասարակություն
Այսօր՝ Երևանի ավագանու նիստի ժամանակ ավագանու անդամ, «Իմ քայլը» խմբակցությունից Գրիգոր Երիցյանն անդրադարձավ Ֆիզիկայի գիտավանի բնակիչների բողոքի ակցիային և խոսքն ուղղեց Երևանի քաղաքապետին․ «Արդեն որոշ ժամանակ բողոքի ակցիա են իրականացնում բնակիչները, այս պահին էլ քաղաքապետարանի դիմաց են և պնդում են, որ նախկինում ապօրինի օտարում է եղել և ապօրինի սեփականաշնորհում։ Քաղաքապետարանը նաև ստացել է գործով զբաղվող քննիչից գրություն, որով ելնելով ապացուցողական նշանակություն ունեցող փաստերի ոչնչացումը կանխելու անհրաժեշտությունից, անհրաժեշտ են գտնում, որ այս շինարարությունը պետք է կասեցվի։ Ուզում եմ բնակիչներին պարզաբանեք, թե ինչ փուլում է այս ամբողջ գործը և ինչպես ենք մենք արձագանքում այս գրությանը»։
Ի պատասխան ավագանու անդամի հարցի՝ Երևանի քաղաքապետ Հայկ Մարությանը նշեց, որ Երևանի քաղաքապետարանը գործում է բացառապես օրենքի սահմաններում, և իր ուշադրության կենտրոնում է Ֆիզգորոդոկի խնդիրը․ «Քննիչի գրությունը ստանալուց հետո իմ կողմից հանձնարարական է եղել մեր իրավական բլոկին, որպեսզի քննարկեն, վերլուծեն՝ կա՞ն բավարար հիմքեր, որ քաղաքապետարանը իրավունք ունի այդ որոշումը կայացնել՝ կասեցնել, դադարեցնել, կամ չեղյալ համարել շինթույլտվությունը։ Զեկուցումից հետո քաղաքապետարանը կշարժվի առաջ»,-ասաց քաղաքապետն ու ընդգծեց, որ «Ֆիզգորոդոկի» բնակիչները վերջապես ճիշտ ուղղության վրա են, քանի որ դիմել են համապատասխան կառույցին՝ իրավապահ մարմիններին, որոնք իրավունք ունեն շինարարության կասեցման հարցով զբաղվելու։
Ի պատասխան ավագանու անդամի հարցի՝ Երևանի քաղաքապետ Հայկ Մարությանը նշեց, որ Երևանի քաղաքապետարանը գործում է բացառապես օրենքի սահմաններում, և իր ուշադրության կենտրոնում է Ֆիզգորոդոկի խնդիրը․ «Քննիչի գրությունը ստանալուց հետո իմ կողմից հանձնարարական է եղել մեր իրավական բլոկին, որպեսզի քննարկեն, վերլուծեն՝ կա՞ն բավարար հիմքեր, որ քաղաքապետարանը իրավունք ունի այդ որոշումը կայացնել՝ կասեցնել, դադարեցնել, կամ չեղյալ համարել շինթույլտվությունը։ Զեկուցումից հետո քաղաքապետարանը կշարժվի առաջ»,-ասաց քաղաքապետն ու ընդգծեց, որ «Ֆիզգորոդոկի» բնակիչները վերջապես ճիշտ ուղղության վրա են, քանի որ դիմել են համապատասխան կառույցին՝ իրավապահ մարմիններին, որոնք իրավունք ունեն շինարարության կասեցման հարցով զբաղվելու։