Քաղաքացիակենտրոն
լրատվություն

ԲԴԽ ներկայացուցիչները հանդիպել են Երևանի ընդհանուր իրավասության դատարանի քաղաքացիական գործեր քննող դատավորների հետ

ԲԴԽ ներկայացուցիչները հանդիպել են Երևանի ընդհանուր իրավասության դատարանի քաղաքացիական գործեր քննող դատավորների հետ
Հասարակություն
19:33, 23 сентябрь 2021
Այսօր՝ սեպտեմբերի 23-ին, Բարձրագույն դատական խորհրդի նախագահի պաշտոնակատարն ու ԲԴԽ անդամները հանդիպել են Երևան քաղաքի ընդհանուր իրավասության դատարանի քաղաքացիական գործեր քննող դատավորների հետ:

Հանդիպման ընթացքում քննարկվել են հայցադիմումը ներկայացնելու օրվա դրությամբ նվազագույն աշխատավարձի երկուհազարապատիկը չգերազանցող գումարի բռնագանձման պահանջի և վճարման կարգադրությունների քննության համար դատավորների ենթամասնագիտացում սահմանելու հարցերը:
Քննարկվեց նաև, թե ինչ ողջամիտ ժամկետ պետք է սահմանվի պարզեցված վարույթների քննության արդյունավետությունը բարձրացնելու համար:
Հանդիպման մասնակիցները շեշտեցին, որ պարզեցված վարույթների առանձնացումը կնպաստի քաղաքացիական գործեր քննող դատավորների ծանրաբեռնվածության թեթևացմանը: