Ադրբեջանցի զինծառայողները չեն մտել Կոռնիձոր, անասուններն են անցել Ադրբեջանի կողմ, մենք տեսել ենք ու արձանագրել․ Տեղի համայնքապետ
Հասարակություն
«2021թ. հոկտեմբերի 22-ին՝ ժամը 12-ի սահմաններում, ՀՀ Սյունիքի մարզի Տեղ համայնքի Կոռնիձոր գյուղի գերեզմանոցի հարակից տարածքից ադրբեջանական զինված ուժերի ծառայողները հափշտակել են Կոռնիձորի բնակչին պատկանող 107 ոչխար և 5 այծ»,- այս մասին երեկ՝ հոկտեմբերի 24-ին, ահազանգել էր ՀՀ ՄԻՊ Արման Թաթոյանն ու ընդգծել, որ Կենդանիներին գերեզմանոցի հարակից արոտավայրում արածեցնող քաղաքացին նկատել է, որ ադրբեջանական երկու զինված ծառայողներ իրենց դիրքերից իջել և գալիս են դեպի իր կենդանիները, մոտենալուն պես կենդանիներին քշել-տարել են դեպի իրենց դիրքեր:
Ըստ ՄԻՊ-ի գրառման՝ այս հանգամանքները, ինչպես նաև այն, որ ադրբեջանական զինծառայողները հափշտակել են հենց նշված քանակի կենդանիներ, ստուգվել են մի քանի աղբյուրների տվյալներով:
Մինչդեռ Տեղ համայնքի ղեկավար Դավիթ Ղուլունցը Civic.am-ի հետ զրույցում ասաց, որ ադրբեջանցի զինծառայողները չեն մտել Կոռնիձոր՝ անասուն տարել, այլ անասուններն են անցել Ադրբեջանի կողմը՝ կանաչ խոտ ուտելու: «Գյուղացին անասուններին տարել է արոտավայր արածեցնելու՝ մեր կողմը չոր խոտ է, որովհետև անսուններ ունենք և հաճախ արածեցնում ենք, իսկ ադրբեջանցիների կողմը անասուն չկա՝ այնտեղ կանաչ խոտ է, և անասունները գնում են դեպի այդ կանաչ խոտի կողմը: Մեր կողմում հայ սահմանապահները կանգնած են, նրանց հետ միասին տեսել ենք ու սահմանապահ զորքերի հրամանատարի հետ արձանագրել, թե քանի անասուն է անցել ադրբեջանական կողմը՝ 105 գլուխ մայր ոչխար և 5 այծ»,- ասաց Դավիթ Ղուլունցն ու հավելեց, որ ռուս խաղաղապահների հրամանատարությանն են տեղյակ պահել և սպասում են պատասխանի։
Ըստ ՄԻՊ-ի գրառման՝ այս հանգամանքները, ինչպես նաև այն, որ ադրբեջանական զինծառայողները հափշտակել են հենց նշված քանակի կենդանիներ, ստուգվել են մի քանի աղբյուրների տվյալներով:
Մինչդեռ Տեղ համայնքի ղեկավար Դավիթ Ղուլունցը Civic.am-ի հետ զրույցում ասաց, որ ադրբեջանցի զինծառայողները չեն մտել Կոռնիձոր՝ անասուն տարել, այլ անասուններն են անցել Ադրբեջանի կողմը՝ կանաչ խոտ ուտելու: «Գյուղացին անասուններին տարել է արոտավայր արածեցնելու՝ մեր կողմը չոր խոտ է, որովհետև անսուններ ունենք և հաճախ արածեցնում ենք, իսկ ադրբեջանցիների կողմը անասուն չկա՝ այնտեղ կանաչ խոտ է, և անասունները գնում են դեպի այդ կանաչ խոտի կողմը: Մեր կողմում հայ սահմանապահները կանգնած են, նրանց հետ միասին տեսել ենք ու սահմանապահ զորքերի հրամանատարի հետ արձանագրել, թե քանի անասուն է անցել ադրբեջանական կողմը՝ 105 գլուխ մայր ոչխար և 5 այծ»,- ասաց Դավիթ Ղուլունցն ու հավելեց, որ ռուս խաղաղապահների հրամանատարությանն են տեղյակ պահել և սպասում են պատասխանի։