«Տաշիր պիցցայի» սննդի կետերից օգտված և թունավորված քաղաքացիների թիվը հասել է 122-ի. ԱՆ

«Տաշիր պիցցա» պիցցերիաների կետերից օգտված և աղիքային վարակին բնորոշ ախտանշաններով ընդհանուր դեպքերը կազմել են 122, որոնցից 21-ը մինչև 18 տարեկան են, տեղեկացնում են ՀՀ առողջապահության նախարարությունից:

«Նոյեմբերի 6-ի՝ ժամը 16:00-ի դրությամբ բուժումը շարունակում են 88 քաղաքացի, որոնցից 19-ը՝ մինչև 18 տարեկան: 34 պացիենտ, որոնցից 2-ը՝ մինչև 18 տարեկան, դուրս է գրվել:

Հոսպիտալացվածներից 64-ը բուժօգնություն են ստանում Ինֆեկցիոն հիվանդությունների ազգային կենտրոնում, որոնցից 18-ը մինչև 18 տարեկան են: 10 քաղաքացի բուժօգնություն է ստանում «Արմենիա» հանրապետական բժշկական կենտրոնում, որոնցից 1-ը՝ մինչև 18 տարեկան, 12-ը՝ «Միքայելյան» վիրաբուժության ինստիտուտում, 2-ը՝ Մարտունու բժշկական կենտրում։

Պացիենտներից 6-ի առողջական վիճակը գնահատվում է ծանր, մյուսներինը՝ բավարար»,- հայտնում են նախարարությունից: