Քաղաքացիակենտրոն
լրատվություն

Վայոց ձորում 25-ամյա ծննդկանի նորածինը ծնվելուց 15 րոպե անց մահացել է. Shamshyan.com

Վայոց ձորում 25-ամյա ծննդկանի նորածինը ծնվելուց 15 րոպե անց մահացել է. Shamshyan.com
Հասարակություն
15:14, 11 март 2021
SHAMSHYAN.com-ի տեղեկություններով՝ երեկ, մարտի 10-ին, ողբերգական դեպք է տեղի ունեցել Վայոց ձորի մարզում։ Ժամը 03։10-ի սահմաններում Վայոց ձորի մարզի գյուղերից մեկի բնակիչ՝ 25-ամյա Հասմիկ Ղ․-ն Վայքի բուժմիավորում-ծննդատանը ծննդաբերել է, և ժամը 03։25-ին նորածինը մահացել է։ 

Ինչպես հայտնում  է ֆոտոլրագրող Գագիկ Շամշյանը, բուժմիավորում են մեկնել Ոստիկանության Վայքի բաժնի օպերատիվ խումբը՝ օրվա պատասխանատու հերթապահի գլխավորությամբ։  

Ժամանել է նաև Հայաստանի քննչական կոմիտեի Վայոց ձորի մարզային քննչական վարչության խումբը՝ հատկապես կարևոր գործերով ավագ քննիչ Վիրաբանի գլխավորությամբ, ում կողմից փաստի առթիվ նյութեր են նախապատրաստվում։ 

Գ․ Շամշյանի տեղեկություններով՝ նորածնի մայրը աշխատում է Վայոց ձորի մարզի գյուղերից մեկի դպրոցում՝ որպես ուսուցչուհի։ 

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է  անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: