Քաղաքացիակենտրոն
լրատվություն

«Արմավիր» քրեակատարողական հիմնարկի ծառայողները շաքարավազի միջից հայտնաբերել են կասկածելի փաթեթներ

«Արմավիր» քրեակատարողական հիմնարկի ծառայողները շաքարավազի միջից հայտնաբերել են կասկածելի փաթեթներ
Հասարակություն
11:14, 10 январь 2022
2022 թվականի հունվարի 7-ին՝ ժամը 17:00-ի սահմաններում, Հայաստանի Հանրապետության արդարադատության նախարարության «Արմավիր» քրեակատարողական հիմնարկի ծառայողները զննության են ենթարկել քաղաքացի Ա. Մ.-ի կողմից կալանավորված անձ Ս. Գ.-ի անվամբ բերված հանձնուքը:

Այս մասին հայտնում են քրեակատարողական ծառայությունից:

Զննությամբ հանձնուքում առկա շաքարավազի միջից հայտնաբերվել են ընդհանուր 4,8 գրամ քաշով, սպիտակ, բյուրեղանման զանգվածներով առանձնացված փաթեթներ:

Փաստի առթիվ նախապատրաստվում են նյութեր, նշանակվել է դատաքիմիական փորձաքննություն: