Աննա Հակոբյանն այցելել է պատերազմում վիրավորված Դավիթ Մանուկյանին և նահատակված Սահակ Վարագյանի ընտանիքին

ՀՀ վարչապետի տիկին Աննա Հակոբյանը այցելել է պատերազմում բեկորային վիրավորումներ ստացած ժամկետային զինծառայող Դավիթ Մանուկյանին եւ պատերազմում նահատակված Սահակ Վարագյանի ընտանիքին։ Այս մասին ֆեյսբուքյան գրառում է արել Աննա Հակոբյանը։ Վարչապետի տիկինը նաեւ լուսանկարներ է հրապարակել։

«Այսօր Գյումրիում այցելել եմ պատերազմում բեկորային վիրավորումներ ստացած ժամկետային զինծառայող Դավիթ Մանուկյանին: Դավիթը վերականգնողական բուժման ընթացքի մեջ է»,- նշել է Հակոբյանը։

Այցելել եմ նաեւ Արթիկ՝ պատերազմում անմահացած պայմանագրային զինծառայող Սահակ Վարագյանի ընտանիքին, ով հայրենիքին ժառանգել է երեք որդի եւ նորածին, աննման դուստր՝ Սոսե անունով»,- հայտնել է Աննա Հակոբյանը։