Քաղաքացիակենտրոն
լրատվություն

Շիրակցի գերիների հարազատները կառավարության դիմաց բողոքի ակցիա են իրականացնում

Շիրակցի գերիների հարազատները կառավարության դիմաց բողոքի ակցիա են իրականացնում
Հասարակություն
16:21, 11 январь 2022
Շիրակցի գերիների հարազատները բողոքի ակցիա են իրականացնում կառավարության շենքի դիմաց։ Նրանք պահանջում են վերադարձնել իրենց որդիներին։

Հիշեցնենք՝ 44-օրյա պատերազմից հետո՝ դեկտեմբերի 12-ին Ադրբեջանը հարձակում էր գործել Հին Թաղերի և Խծաբերդի ուղղությամբ, որոնք հայկական կողմի վերահսկողության տակ էին և գերեվարել 62 հայ զինծառայողի։ Մինչ այժմ Հայաստան են վերադարձել շիրակցի գերիներից 29-ը։

«Ասում են, որ բանակցություններ են ընթանում, բայց այստեղ կանգնած ծնողները ոչ մի արդյունք չեն տեսել։ Ճիշտ է արդյունք կա, տղաները գալիս են, բայց ինձ համար արդյունք չկա, քանի որ եղբայրս դեռ տուն չի եկել։ Արդեն 1 տարի երկու ամիս է, ինչ ոչ մի կոնկրետ բան չգիտենք»,-ասաց շիրակցի գերու եղբայրը։

Գերիների հարազատներն ակնկալում են, որ ցանկանում են հանդիպել բոլոր այն բարձրաստիճան պաշտոնյաների հետ, որոնք կարող են օգնել իրենց։