ԿԽՄԿ ներկայացուցիչներն այցելել են Ադրբեջանում պահվող հայ գերիներին
Հասարակություն
Կարմիր խաչի միջազգային կոմիտեի ներկայացուցիչները այցելել են Ադրբեջանում պահվող հայ գերիներին և օգնել կապ պահպանել իրենց ընտանիքների հետ:
Այս մասին հայտնեցին Կարմիր խաչի միջազգային կոմիտեի հայաստանյան գրասենյակից: «Հեռախոսազանգերի, տեսագրված ուղերձների և նամակների տեսքով փորձել ենք այս ընթացքում պահպանել պարբերականությունը տեսակցությունների և շարունակելու ենք, քանի դեռ անձինք գտնվում են անազատության մեջ»,- ասաց ԿԽՄԿ հայաստանյան գրասենյակի հաղորդակցման և կանխարգելման ծրագրերի ղեկավար Զառա Ամատունին:
Գերիների պահման պայմանների, նրանց հանդեպ վերաբերմունքի, առողջական վիճակի մասին տեղեկությունները Կարմիր խաչը չի հրապարակում՝ նշելով, որ դրանք փակ երկխոսության տիրույթում են: Ամատունու խոսքով`հերթական այցերի նպատակն է հետևել գերիների վիճակին: ԱԺ արտաքին հարաբերությունների մշտական հանձնաժողովի մարտի 21-ի նիստում Արտաքին գործերի նախարար Արարատ Միրզոյանը հայտարարել է, որ Ադրբեջանական գերության մեջ է 38 անձ, որոնցից 3-ը՝ քաղաքացիական:
Կարդացեք նաև
11 դեկտեմբեր 2021, 20:45
ԿԽՄԿ ներկայացուցիչներն այցելել են Ադրբեջանի կողմից գերեվարված զինծառայողներին
22 մայիս 2021, 17:42
Հայ գերիները տեսահաղորդագրություն են փոխանցել ընտանիքներին
5 հունիս 2021, 16:32
Կարմիր Խաչի ներկայացուցիչները Բաքվում տեսակցել են Գեղարքունիքից գերեվարված հայ զինծառայողներին, օգնել կապ հաստատել հարազատների հետ
14 հուլիս 2021, 20:27
ԿԽՄԿ ներկայացուցիչները Բաքվում այցելել են գերեվարված հայերին
17 մարտ 2021, 21:36
ԿԽՄԿ-ի համար ինչպիսի կարգավիճակ ունեն Խծաբերդում գերեվարված հայերը. պարզաբանում է Զառա Ամատունին
27 ապրիլ 2021, 18:00
Ադրբեջանում պահվող գերիները տեսահաղորդագրություն են փոխանցել իրենց ընտանիքներին. Զառա Ամատունի