Դանակահարություն Մրգավետ գյուղում. ոստիկանություն

Ապրիլի 22-ին, ժամը 01.40-ին, հիվանդանոցից ոստիկանության Արտաշատի բաժին հաղորդում է ստացվել, որ «որովայնի առաջնային պատի կտրած-ծակած վերք» ախտորոշմամբ բուժօգնության է ընդունվել Մրգավետ գյուղի 35-ամյա մի բնակիչ:

Այս մասին տեղեկանում ենք ոստիկանությունից:

Հիվանդանոց մեկնած ոստիկանության Արտաշատի բաժնի օպերատիվ խումբը պարզել է, որ ժամը 00.30-ի սահմաններում հիվանդանոց տեղափոխվածի տան բակում տեղի ունեցած վիճաբանության ժամանակ նրան դանակահարել է Մխչյան գյուղի 35-ամյա բնակիչը: Նա բերման է ենթարկվել ոստիկանության Արտաշատի բաժին, տվել խոստովանական բացատրություն և ներկայացրել հանցագործության գործիք դանակը:

Նշանակվել է դատաբժշկական փորձաքննություն:

Հանգամանքները պարզվում են:

Նախապատրաստվում են նյութեր:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: