Քաղաքացիակենտրոն
լրատվություն

Խնձրիստան համայնքում հայտնաբերվել է «Սմերչ»-ից արձակված հրթիռակասետային ռումբեր. ԱԻՊԾ

Խնձրիստան համայնքում հայտնաբերվել է «Սմերչ»-ից արձակված հրթիռակասետային ռումբեր. ԱԻՊԾ
Հասարակություն
14:35, 27 март 2021
Ասկերանի շրջանի Խնձրիստան համայնքի տարածքում հայտնաբերվել է «Սմերչ» համազարկային կրակի ռեակտիվ համակարգից արձակված հրթիռակասետային ռումբեր և այլ անծանոթ զինատեսակներ. տեղեկացնում են ԱԻՊԾ-ից:

ԱԻ պետական ծառայության սակրավորական մեկ ջոկատ մեկնել է դեպքի վայր: Հնարավոր է հայտնաբերված ռազմամթերքը վնասազերծվի տեղում:

Պայթյունների ձայներ լսելու դեպքում, ծառայությունը հորդորում է չանհանգստանալ:

Միաժամանակ խնդրում ենք, ցանկացած անծանոթ առարկա հայտնաբերելու դեպքում՝ եթե անգամ համոզված եք, որ այն վտանգ չի ներկայացնում, անհապաղ զանգահարեք ԱԻ պետական ծառայության 911 ահազանգման կենտրոն: