Քաղաքացիակենտրոն
լրատվություն

«Առողջապահական համակարգը բերվել է պատրաստվածության բարձր աստիճանի». առողջապահության նախարարություն

«Առողջապահական համակարգը բերվել է պատրաստվածության բարձր աստիճանի». առողջապահության նախարարություն
Հասարակություն
17:43, 13 февраль 2021

«Գրանցված երկրաշարժի հետեւանքով լուրջ ավերածություններ չկան: Առողջապահական համակարգը բերվել է պատրաստվածության բարձր աստիճանի: Երեւանի Էրեբունի համայնքում մեկ տուն է վնասվել, մեկ քաղաքացի թեթեւ վնասվածք է ստացել»,-տեղեկացնում է առողջապահության նախարարությունը:

«Որևէ խնդրի դեպքում կոչ ենք անում զանգահարել առողջապահության նախարարության թեժ գիծ ծառայություն՝ 8003 կարճ հեռախոսահամարով»,-հավելել է ԱՆ-ն:

Նշենք, որ սույն թվականի փետրվարի 13-ին, տեղական ժամանակով ժամը 15:29-ին (Գրինվիչի ժամանակով` ժամը 11:29-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.11⁰ և արևելյան երկայնության 44.54⁰ աշխարհագրական կոորդինատներով` Հայաստան` Երևան քաղաքից 8 կմ հարավ-արևելք, օջախի 10 կմ խորությամբ, 4.7 մագնիտուդով երկրաշարժ: Էպիկենտրոնային գոտում ստորգետնյա ցնցման ուժգնությունը կազմել է 6-7 բալ:

Երկրաշարժը զգացվել է Երեւանում` 5-6 բալ ուժգնությամբ, Արագածոտնի, Արարատի, Շիրակի, Արմավիրի, Կոտայքի, Վայոց ձորի մարզերում` 3-4 բալ ուժգնությամբ: